Seu de Casteddu

[Aleri]

Saludi a totus is patriotas sardus.
Sa Seu de Casteddu s’olit fai intendi a boxi crara e forti a intru ‘e sa Sardinnya. Sa tzitadi aundi traballaus, nosu piçocus de tota sa natzioni, est sa prus manna de s’isula nosta e eus cumprendiu ki issa bisonjat de essi de importu mannu a intru ‘e su moimentu. Meda funt is risorsas a intru ‘e sa seu nosta e meda de prus funt cussas ki teneus a ingiriu in sa terra de Campidanu e de tota sa provinça. Sa tenta nosta est de arregolli custas fortzas e de s’ajudai totu in paris in sa batalla tzivili po s’indipendentzia e sa dinnytadi de su populu nostu. De calencunu mesi sa seu da seus anouendi (in su spiritu prus ke atru !) e imbidaus totus is militantis, totus is ki tenint in su coru sa Sardinnya a si tzerriai. Prus de totu imbidaus is atras seus a si fai intendi cun nosu po si ponni de acòrdiu, arrejonai, cumprendi in faci a cali sceberus e detziduras bandaus. De pag'ora eus scritu dus boladoreddus, unu de presentada e unu tematicu (po sa kistioni de s'uraniu impoborau), ma si seus promìtius de ndi fai atrus meda po allegai de totu a sa genti e da pigai foras de votus e eletzionis e a da fai pensai a-i custas allegas. Sa 'ia ki 'enit, s'apu a scriri is fueddus de is boladoreddus; po nosu su mellus iat essi a dus fai imprentai in d-onnya bidda e a su mancu a dus fai ligi a totus is militantis de sa provinça (e Sardinnya e totu).
Scrieisì ca seus torrendu a partiri!

sardignanatzione.ca@tiscali.it

[Perdu]

benibènniu!!!!
torra innoi a scriri medas bortas ki ses agradèssiu!!
a si biri kitzi