lėnguas de minoria

[Perdu]

lėnguas ki umperanta una grafia insoru:

cadelanu
bascu
galitzianu
scotzesu
frisonu
brčtonu
corsicanu
gallesu
irlandesu
cornovallyesu
mannesu
friulanu
...........
...........

lėnguas ki umperanta sa grafia de sa lėngua colonizadora:

sardu sceti!!!!


est pretzisu umperai sa grafia sarda po su sardu, s'italianu est una atra lėngua, sa grafia sua no dexit a su sardu!

[Indipendentista (POL)]

Soe meda de acordu kin tue Perdu, est una cosa fora de donzi lōgica de adoperare grafias čsteras, de calekisiat istadu colonizadore. S'ųnica cosa ki ti kerzo fāgher pessare peroe, est ki pro sa kistione solu limbėstica, e non polėtica, cando ti depes pōnnere a imparare sa limba a sos minoreddos ki no an mai faeddadu e casi nemmancu intesu su sardu, e ki an zai istudiadu pro annos sa grafia italiana, est meda prus fazile, adoperare cudda, in sos primos tempos, e a pustis un d'unu mamentu prus tradu, los fāgher connōskere ki su sardu est ātera cosa dae s'italianu, e pro custu motivu est prus bonu a nos imbentare una grafia de nois e totu, e los nārrere ki un grafia zai esistit, ki est cussa ki nois como semus ispremendenos pro la fāghere! nārami ite nde pessas.

Apo bidu, in sos āteros interventos ki as fāghidu, ki a tie ti praghet a istudiare sa limba, ki iscries in campidanesu, e ki su maistu ki ti ses seberadu pro tue est Antoni Lčpori. De isse deo nd'isco pagu, nārami kie est, ite stųdios at fāghidu, pro cale motivu non at faeddadu mai de capu de susu. Bi son medas cosas ki mi lassan pagu siguru asuba de isse...deo, pro narrere, apo fāghidu sos istudigheddos meos, kin sos libros de Pittau, Wagner, Paulis, Blasco Ferrer, apo castiadu sos de Lčpori puru ( m'ammancan sos ųrtimos...gramātiga sarda po is campidanesus, ...ma proite sos de susu ite sun, feos?), m'an lassadu gai...ti diat dimandare de mi dare informassiones, proite isse, comente pessone, mi praghet meda, est su primu ki b'at proadu, ki nd'at coladu su muru a terra, kirkende de fāghere una grafia indipendente, cumpresu m'as?

Salude e a nos bidere, o a si biri, comenti narais bosatrus!

[Perdu]

saludi!
deu du connosįu a tziu Lčpori e mi praxit meda comenti ōmini ca est unu ki de 30 annus gherrat a solu po fai intrai su sardu in sa sotziedadi, is iscolas, e poi fai custu no at mai guadanjau nudda.
Mi praxit ca s'est scimprendi faendi nascė noulogismus comenti ant fatu is istudiaus in Catalunya, ma issus fiant pagaus, tziu Lčpori d'est faendi po de badas.
Mi praxit ca est unu traballadaori, no est unu įaįarradori.

issu at sempri studiau su campidanesu ca est sa bariedadi ki connoscit mellus ca est casteddayu, ma in sa grāmatiga noa ki at fatu (sa primu gramātiga de sardu in lėngua sarda), kistionat meda de su logudoresu e nugoresu puru. Issu narat ki sa lėngua sarda est ke un aposentu, nci podis intrai de 3 ennas, sa campidanesa, sa logudoresa e sa nugoresa. Ki comporas sa gramātiga noa as a biri ki du at verbus, artėculus, diįus, numeralis eac in logudoresu e nugoresu puru, no sceti in campidanesu.
e sa grafia ki at studiau po su sardu amostat ki at pensau a totu su sardu no comenti ant fatu is de sa comissioni ki ant fatu sparessi totu is sonus campidanesus. Ligi custa poesia:

Kerimos un'ārbor''e pake
e un'ārbor''e sole caente;
noll'imbias un'ārbor''e luna?
Naran yocande sos kimbe orfaneddos
kin cāndidas bokes de nibe,
sos kimbe orfaneddos yocande.


deu puru apu studiau meda asub''e is liburus de Pittau e Blasco, ma depu nai ki su primu fiat po una grafia sarda e a pustis at traixu custa bidea.

Lčpori puru at nau su ki as nau tui, in is primus tempus a imparai su sardu a is pipius cun sa grafia italiana e a pustis a umperai sa grafia sarda, deu seu po fai una "full immersion" de candu inghitzant, aici ant essi acostumaus a sciri cun grafias diferenti candu ant a imparai s'ingresu o un atra lėngua stranja.

ki tenis atras cosas de preguntai deu seu innoi
a s'intendi kitzi