LEGA NORD - LEGA LOMBARDA
per l’indipendenza della Padania
sede provinciale di Bergamo
Via Quinto Alpini, 6 - 24124 BERGAMO - tel. (035) 363.111 fax (035) 363.183
E-Mail: info@legabg.org
Internet: www.legabg.org
COMÜNICASSIÙ PER LA STAMPA
Chèsta l’è la ghégna de Róma! Lur i me ‘mpedéss de mèt impé i cartèi türistèch con sö scricc ol nòm che la zét la dóvra per ciamà la sò sità: Bèrghem! Cóntra la decisiù di sulù de la bürocrasséa romana e i trame di polìtech ch’i và sèmper cóntra ògni ato de libertà de la nòsta zét, enerdé sich de löi ai növ de sira, a partì del palàss de la proìncia e riüniù finàl denàcc al cümü de Bèrghem, la Léga Nòrd de Bèrghem la organìsa öna manifestassiù cöi tórse e i lömére. Töcc i Bergamàsch ch’i spèta de dés agn i tante promèsse e che adèss i völ respirà ‘l pröföm de la libertà, i è ‘nvidàcc a chèsta manifestassiù. Ol sò nòm scricc co la lèngua di sò pàder l’è mia chèl laurzì ch’i völ fàm crèd, ma, al contrare, l’è ‘l sègn ciàr ch’i Bergamàsch i è amò tecàcc ai sò raìs, a la sò stòria e ai sò tradissiù. In töte i ditatüre, fasciste o comuniste, in di momèncc piö de tragédia per öna comünità, la repressiù la comènsa sèmper col mèt in prisù la zét, leà ol nòm di persune per dàga ü nömer. I Bergamàsch i farà mia chèsta f ì: ol nòm de la sò tèra l’è Bèrghem e Bèrghem seiterà a ciamàs. L’intórt ch’i me öl fà l’è mia federalismo, e se lur i me lassa mia dovrà ol nòm Bèrghem figürèmsa se i partirà i rifórme che töcc i è dré a spetà. I ‘naqua la lège che la régola l’imigrassiù, i fèrma mia l’invasiù di forestér sènsa identità, che dòpo i violènta i nòste dòne, i róba, i vènd la dróga e issé i cópa i nòscc iscècc: chèsta l’è la érità che la vé fò, ma ‘l pòpol Bergamasch a l’ pöl mia fà finta de negót. La Léga l’è nassida ché, e de Bèrghem la parte amò turna per leàga la màschera a töcc i ‘mpustùr ch’i völ cambià negót.
De töte i bande i salta fò i polìtech sterlöch ch’i fà ‘l zöch de Róma.
Stì atèncc a fermà i rifórme, stì atèncc a tocàm ol nòm de la nòsta tèra: BÈRGHEM!
Bèrghem, ol 2 de löi del duméla e dù
Ol Segretare proinciàl de la Léga
(Franco Coleù)
---------------------------------------------------------------------------------------------------------