Otobre

[pensiero]

OTOBRE



El mese de la ua e de la scola:
do fati che ogni ano se ritrova,
intanto che le foje a scondarola
casca partera soto vento e piova.

Nei campi se sunàva el formenton
co la panocia intiera da la cana,
i giorni core via de rabalton
par el garbin che vien da tramontana.

Questo xe anca el mese del rosario,
la devossion mariana che consola
ogni cristian che vaja sul binario,

de quela fede antica che da sola
fra i valori umani xe primario.
Se pol capìrlo sensa na parola.

[pcosta]

El tuo sonèto
xaria perfèto
si no xe fosse
sol par due cosse:
la scola ch' è setembre a meter fora
e l'ua che quest'an l'è andà in malora!

[pensiero]

Originally posted by pcosta
El tuo sonèto
xaria perfèto
si no xe fosse
sol par due cosse:
la scola ch' è setembre a meter fora
e l'ua che quest'an l'è andà in malora!

Ahahahaha.....te sarè anca un sinistro ma te si simpatico ahahahah.....