e-mail di sdegno e disappunto!

[gherrianu]

Sommergiamo di email di sdegno e disappunto l'associazione proloco del Comune di Villacidro...civilmente, anche se la voglia di dirne di tutti i colori è tanta!!
ass.proloco@tiscalinet.it

[Aleri 5]

Deu, ki essi tentu su tempus, ia'essi 'andau in is arrugas a preguntai a sa genti: ita ndi pensais?
Certu, agoa de essi bitu is sçollorius de is mondialis de football, no m'ap'a aspetai meda sardismu, ma custa cosa est bregunja manna! Poita innoi, poita oi, poita?
Seus scarescendusi' de essi sardus?
Forsis no, ma aici parit, no di donaus meda importu. S'importanti est a tenni una bandera, una scuadra, unu colori.
Is sardus no 'onant cura a custas cosas.
Mancai po genti meda, custu de su triculori no bolit nai nudda, ma scieus ki in su subconsçu andat a forrogai is pensamentus e unu birdi nci boddit su nieddu de is coloris nostus.
De tempus meda fustis alleghendu de batiri unus cantu de banderas nostas (mancai no teneus su 'inari de su "ministero dell'interno") e de preni de nieddu, orrùbiu e biancu is murus.
Forsis no at a bastai.
Cras custu sçimpròriu at a sparessi, sa genti d'at a scaresci. Ma scieus puru ki sa sardidadi abarrat sempri.
Tradusi totu in sardu, allegai in sardu, bìviri de sardus, ken''e du nai, ken''e ponni mascaras. Aici comenti seus.
In jeans e malliedda, cun sa computadora e sa discoteca, s'unibersidadi e su treballu.
Calincunu du est jai provendu, bàstant pagus ki sa genti sighit, agata s'alientu, su 'entu nou de una sardidadi ki no fait burdellu ma bivit in paxi e democratzia.
Deu soi seguru ki cussu at a essi su benidori po nosu totus. Ap'a ponni totu su coru, sa conca po fai furriai sa Sardinnya de a goici.
Scaresceusi' su tricolori e pentzaus a nosu.
Unu saludu