E mi Nadél d'una volta
Tot quéi dla mi età j'ha un Nadèl d'una vòlta
cun la bufa cla fés-cia la fòra dla pòrta...
Chi s'arcòrda de fùg, dal lùdli de zòc;
chi di nòn drì a la ròla, di caplétt propi a e' tòc:
tot ròbi d'un témp, e cal fa s-ciupè e' còr,
ricùrd da burdell, ad miséria e d'amòr.
Cal campéni, la mèsa, qualquèll da arnuvè,
e' gapòn int l'aléss, e in t'un brénch a magnè...
De mi Nadèl d'una vòlta a scrivarébb par un més
mo a m'aférum a què, tra cal màci 'd sanzvés,
cun i mìa chi ridéva sa nunìtar burdéll
int una ca un po piò znìna, mo a m'arcòrd propri quell.
**************************************************
Poesia tratta da La fugaréna ad San Jusef (Società Editrice "Il Ponte Vecchio")
**************************************************
Buon Natale