Scrivere e parlare, parlare escrivere

[medicinaechirur]

Certo che il problema della lingua è un problema di scrittura.
Anche ma non solo di scrittura.
E'anche un problema di lingua parlata e di letteratura. Non è vero che la letteratura fa il parlato ma è il parlato che fa la lettertura.
Quanti sono i parlanti?
Quanti (pochi) scrivono, pubblicano e quanti leggono in sardo?
Non sarà certo il bilinguismo burocratico a salvare la situazione.
Il bilinguismo modulistico di qualche comune rischia di diventare solo folclore, se nessuno o solo pochi parlano, parlano, parlano e fanno vivere, anche crescere, la lingua sarda.
Perciò ho detto che non occorrono i rissosi, gli ingiurianti, gli esclusivisti ed escludenti, che sono, poi, i nemici del dialogo e, quindi, della lingua parlata e scritta.
Saludos a tottus.
Medic.

[Aleri]

Custa est una kistioni longa meda e genti meda at crètiu de donai s'arrespusta prus bella po su benidori de sa limba sarda.
Deu nd'apu intèndiu peri doxi ma totu tenìanta calencuna cosa ki no mi cumbinciat: fùrinti totu fatas in ITALIANU.
No ki siat una limba mala, ki jai d'umperaus donnya di', ma deu naru: circaus, peri alleghendu de limba sarda (ki da connosceus -mancai pagu-) de da allegai; ki no feus ke cun su latinu, ki a s'acabu connosceus totu is arregulas ma no iaus a podi mancu narai "ciao"!
Jai esti kistionada sa limba nosta, ma deu, e custu d'apu pensau a s'inghitzu de ki apu cumprèndiu ki custu esti su benidori nostu, creu sempri ki is sardus dèpint allegai paris; sa burocratzia ajùdat, certu, ma esti su praxeri de bivi in paris coment''e sardus ki at a formai sa leitimidura po d'allegai a foras coment'a intru de domu.
Esti su mundu curturali ki si ndi depit scidai (e calincunu du esti fendu) e prus ke totu su polìtigu.
A si biri

[medicinaechirur]

Seus de accordiu, tenisi arrexioni.
Duncasa, ita deppeus fai?
Ita dpinti fai is politigus?
Ita proponisi?
Adiosu.
Medic.

[Aleri]

A mei m'at a praxi a apariçai atòbius cun sardus de donnya spètzia, po allegai de totu, a fac''e pari. Custu jai si 'enit beni innoi in Cuartu o in Casteddu ki du-e bìvit genti de totu sa Sardinnya e si bint jai is "amesturus" linguìstigus.
Forsis, pròpiu in Cuartu (forsis sa tzitadi ki s'est sempri mòvia po primu po sa limba) du ant'essi in su benidori atòbius de custa manera.

Is "inteletualis" ìant a depi bogai a foras s'alientu de sa limba insoru e circai de d'allegai candu pòdinti.

Is polìtigus dèpinti fai intrai su sardu in is iscolas (s'arma prus manna) e bogai 'inari po kini bàtit sa limba sarda in si mèdius de comunigadura.

Nosu depeus puntai* in sa limba, cumbinci is atrus, ponni sa kistioni...
deu apu sempri 'itu ki a is piçocus di praxit custa batalla curturali; a bellu a bellu eus a tenni totus de sa parti nosta, esti feti a abetai...e circaus de s'arregodai ki seus pagu genti in Sardinnya: ki jai 'eu e tui cumbinçeus is famillas nostas seus jai a metadi 'e su treballu!
A si biri

[medicinaechirur]

Chini e aundi funti giai fendi tottu custas cosas?
!7 scolas funti giai prontas, ma non bastanta.
Antessi 17 limbas diversas?
Medic.

[Aleri]

Deu apu nau ki calincunu du at jai pensau e d'ant a fai; abeta, t'ap''a fai sciri!
Po is iscolas certu ki serbit unu scèberu peri de sa provinça: sa de Casteddu tenit sa fortuna di essi cudda cun s'omogeneidadi prus manna de is ki allègant in sardu e su campidanesu s'at a podi imparai a pe' totu su pròpiu (+/-).
Po innoi est prus fàtzili a s'arreferri a un'arregula "standard" de su campidanesu, de Cuartu a Arbus, de Igrèsias a Foghesu, po nai, e tandu, mancai is pipius/piçocus depint imparai su "campidanesu" +/-, ant a depi inghitzai de sa fueddada insoru, de sa bidda insoru.
Custu no 'olit nai a no sciri is atras: totus podint biri ca kini scit su sardu, mancai de sa bidda sua, perou beni, podit cun lestresa arribai a cumprendi su sardu de donnya parti de Sardinnya e tandu custu dibatu "cali sardu" (ki est beçu ke s'Açapa) podit essi segau luegu.
Deu apu 'itu genti ki no sciat mancu su sardu suu ki, ascurtendu e sciendu cali funt is dissimbillàntzias cun is atras fueddadas, imoi cumprendint su de Ovodda puru!
Totu tòrrat a su de s'intendi a paris totu is sardus.
Imparaus su nostu, ki cudd'arrikesa no si depit spreai, perou si depeus aprontai a mescurai custas arrikesas.
E a primu ancora, scrieus cun sa grafia nosta!!!
Adiosu

[medicinaechirur]

Ci funti noviraris?
Asi scipiu qualincunatra cosa?
Ita funti fendi is atrus?
Chi sa, risponda.
Grazie.