PREMESA

El veneto l'è na tera co on forte sentimento nasionalista latente. La jente sventola la bandiereta tricolore parché i ne lo ga inculca fin da putej a scola, però la parla veneto a caxa e coi amisi. E la simiòta el talian co la xe fora coi foresti sensa esare bona de parlarlo par ben.

In tel Veneto ghe xe dexine de grupi, asociasion, movimenti e partiti che i parla de autonomismo, de indipendensa e de sovranità del Veneto, pì de ogni altra region taliana!

L'EUROPA

L'Europa, ancuo xe composta da quindexe stati sovrani, diversi de cuesti xe pì picoli o simili al Veneto che ga: 4,5 milioni di abitanti. Pa es.:
Lusemburgo: 0,5 ml.
Irlanda: 3,7 ml.
Finlandia: 5,2 ml.
Austria: 8,2 ml.
Portogalo: 10 ml.
Belgio: 10,2 ml.

El Veneto ga el steso dirito de Lusemburgo, Irlanda e Finlandia de vere so rapresentanti in te on parlamento europeo dele nasion non dei stati otocenteschi cofà ancuo!

La dismision della lira dal 01.01.2002 xe na grosa piconà ai stati otocenteschi come l'italia e la Francia.

LA MISION DEL SITO

Volemo che le tere indove la jente parla el Veneto e se identifica in te la nasion veneta le posa deventare on stato sovrano e libero da ogni sotomision.

Volemo che i popoli che abita sta tera meraviljosa e siora i posa guernarse da suli, e i posa liberamente decidere se federarse ai altri stati europei.

Volemo combatere, co la sola forsa dela raxon e dele parole, na guera de liberasion dale caene che ne tien picà al'italia.

Volemo che sto sito el posa deventare on punto de incontro par i nasionalisti veneti parché semo convinti solo metendo insieme le forse se pol vincesere el nemigo opresor.

http://www.venetostato.org/