CUMPROA: ma comenti s'iscrit...Sardigna?

[Josto]

Dda naraus totus in sa matessi manera ma dda iscrieus in varius bessus.
Comenti si depit iscriri, po bos'atrus, su nomini de s'isula nostra?
Po mei sa mellus cosa est sa'e torrai a spruinai s'antigu nomini latinu de SARDINIA.

[Perdu]

Originally posted by Josto
Dda naraus totus in sa matessi manera ma dda iscrieus in varius bessus.
Comenti si depit iscriri, po bos'atrus, su nomini de s'isula nostra?
Po mei sa mellus cosa est sa'e torrai a spruinai s'antigu nomini latinu de SARDINIA.

su latinu N+I (crutza)+A in sardu campidanesu tòrrat sempri NJ e in sardu logudoresu NZ, duncas su fueddu sintillu sardu iat a essi SARDINJA, ki arrespetaus is arrègulas de s'ebolvimentu de is fueddus.
sardìnia est unu latinismu....
sardigna (scritu a s'italiana) est unu toscanismu, e sardegna est unu cadelanismu...

[Michele64]

Eo personalmente naro "Sardinna"... in sa versione mea de riferimentu non b'at su ditongu "gn"... in onzi manera so de acordu cun Pedru subra de su fatu chi "Sardigna" siat tropu italianizadu comente nùmene, e si podet dare meda bene ch'isse tenzat resone cando atrogat chi sa mezus solutzione diat dever esser "Sardinia"... in onzi casu su prus importante est a chircare de impreare su sardu su prus possìbile, sena briare tropu subra de paraulas individuales... si su sardu s'at a isvilupare comente limba de comunicatzione de massa, de seguru s'at a agatare una solutzione finas pro custu...

Saludos e una bona die a totus - Miale.

[Aleri]

Sardìnia iat a essi simpli e craru po totus, lassendu a donnyunu sa pronùntzia sua (sardinnya, sardinna, sardinja, saldinnya).
Perou su tempus de pigai is latinismus est acabau in s'edadi moderna, oi iat a essi una cosa strama.

deu ia a scriri feti SRDN, is cunsonus feti, comenti ìanta fatu is feniçus in sa steli de Nora. Aici a donnyunu sa pronùntzia sua!