Sos biazos in nae dae terra manna a terra nostra

[Michele64]

Sunt medas a beru sas pessones, siat sardos emigrados siat turistas, ch'impreat sa nae pro andare a Sardinna moende dae su continente.

Unu biazu peri su mare cheret amaniadu bene bene, mescamente si si faghet a de note.

Sa mezus solutzione, est craru, est rapresentada dae sa cabina, chi sende gasi est bastante cara e, in s'istajone arta, devet esser reservada bastante tempus in antis.

Pro su chi pertocat sos cadirones, si devet tenner unu pagu de cuidadu, sende chi no totus sunt còmodos.

Sos chi preferint a nche colare sa note in su ponte de sa nae devent ischire ch'in cue in sas oras noturnas faghet fritu finas a istade prena, duncas est pretzisu a s'amparare in manera adeguada, unu cobertore bonu andat meda bene.

Pro nche colare sa note in manera dezente, bastat a si nche zugher in fatu unu sacu pro dormire o, galu mezus, una tramatzighedda.

Saludos e bonu biazu a totus - Miale.

[Frantziscu]

Eo a Sardinna bi ando semper in aeroplanu, so biazende cun Meridiana dae medas annos e m'agato meda bene.

[Michele64]

Finas eo leo bastante a s'ispissu sos bolos de Meridiana, ma cando non cando m'agradat finas a biazare in nae...