Unos Cantos?????

[Josto]

Tandus, iscriendi innoi hapu imparau medas cosas subra de sa limba nostra, ma una regula de sa sintassi m'est abarrada pagu clara: ita bolit nai "unos cantos"?
Calincunu de bosatrus mi dda scit aclarai custa cosa?

[Perdu]

Originally posted by Josto
Tandus, iscriendi innoi hapu imparau medas cosas subra de sa limba nostra, ma una regula de sa sintassi m'est abarrada pagu clara: ita bolit nai "unos cantos"?
Calincunu de bosatrus mi dda scit aclarai custa cosa?

pigamindi unas cantu 'e piras
prendimi qualche pera

[su stori]

Originally posted by Josto
ita bolit nai "unos cantos"?
Calincunu de bosatrus mi dda scit aclarai custa cosa?

"Unus cantus" iat a bolli nai "un certo numero", "alcune". Sigundu cumenti, podit essi puru "parecchie". In dònnia manera e' po nai unu nùmeru chi no e' beni precisau.

Es:

- ci sei andau unas cantu 'e bortas
- teniat fàmini e mi seu papau unus cantu 'e aràngius
- mi seu papau unas cantu 'e fitas de sìndria, e 'mui mi 'oi sa brenti.

a si bi'
su stori

[Michele64]

Unos cantos = alcuni (finas in ispannolu si narat "unos cuantos").

[su stori]

Originally posted by Michele64
Unos cantos = alcuni (finas in ispannolu si narat "unos cuantos").

.. e illuegus Michele64 s'acudit a spricai a manca e dereta. Aici connoscit su spannyolu puru: o Michele64, cantus lìnguas connoscis, ma in Casteddu as sighiu s'universidadi?

adiosu
su stori

[Michele64]

In prus de s'italianu e de su sardu, faeddu s'ingresu e s'ispannolu... nono, no apo istudiadu in Casteddu, sende chi so nàschidu in continente e so semper istadu in cue...

Saludos - Miale.

[su stori]

Originally posted by Michele64
... nono, no apo istudiadu in Casteddu, sende chi so nàschidu in continente e so semper istadu in cue...

Duncas babu tuu e mama tua funti disterraus a su mancu de 40 annus.
E de Duarche funt'andaus diretamenti in Reggio Emilia?
E babu tuu puru e' chentza de telèfunu in domu, giùstu?

faimì sciri
su stori

[Michele64]

Ei, babos meos sunt emigrados a terra manna, andende deretu a Reggio Emilia, in su 1.960, cando babu meu aiat bintu unu cuncursu pro traballare in sa posta, in ue est abarradu pro trintabator annos.

Eja, finas babu meu at adotadu dae medas annos sos telefoneddos...

[Josto]

Iscuseimì, ma si narat po esempiu:

unus cantus traballus
opurus
unus cantus DE traballus (ponendinci sa prepositzioni)?

[Perdu]

Originally posted by Josto
Iscuseimì, ma si narat po esempiu:

unus cantus traballus
opurus
unus cantus DE traballus (ponendinci sa prepositzioni)?

unus cantu 'e traballus