A Miale Santu Pedru non l'agradat prus sardinna.info

[Michele64]

Apo in pessu faeddadu in su telèfonu cun s'amigu meu Miale Santu Pedru.

Est meda delùdidu, ca at in pessu retzidu una comunicatzione de sardinna.info in ue l'invitant a no impreare prus sos neolozismos suos, ma àteras paraulas chi sunt italianismos craros.

A bandas de custu issèberu de sa redatzione de sardinna.info chi est craramente faddidu, Miale cunsiderat inzusta de su totu custa postura chirru a isse, sende chi a su nessi 3.000 de sas 3.400 noas cumpartas finas a como in cussu diariu in retza las at iscritas isse, e chi sena sa collaboratzione sua sardinna.info diat aer cunzadu a pustis de pagas dies.

In onzi manera, Miale tenet totu s'intentu de sighire a impreare sa versione sua, ca pro isse oramài s'est fata un'avesu, e si sardinna.info non l'at a impreare prus comente collaboradore, sa pèrdida no at a esser manna...

Eo personalmente so de acordu de su totu cun Miale...

Duncas, chi non si naret prus chi nois faeddamus semper bene de sardinna.info, comente podides bider no est propiu gasi...

Unu bonu seranu a totus - Miale.

[Perdu]

duncas no at a scriri prus in sardinna.info?

[Michele64]

Pro como at a iscrier galu, ma sighende a impreare s'istilu suo... si pro sardinna.info custu at a rapresentare unu problema tropu mannu, tando eja chi no at a iscrier prus...

Saludos e una bona sero - Miale.

[Perdu]

Originally posted by Michele64
Pro como at a iscrier galu, ma sighende a impreare s'istilu suo... si pro sardinna.info custu at a rapresentare unu problema tropu mannu, tando eja chi no at a iscrier prus...

Saludos e una bona sero - Miale.

de cantu est ki mi ndi femu andau de sa truma de sardinna.info, narasiddu a miali santu perdu....
pitica puru sa brigunja po sardinna.info, is italianus puru nanta ki est italianitzau meda, finsas a tropu!!!

[Michele64]

Difatis sos artìculos italianizados chi faeddas tue o non los at iscritos Miale Santu Pedru, o sunt noas iscritas dae Miale ma "curretas" dae sa redatzione mudende neolozismos prus chi atzetàbiles cun italianismos evidentes...

Saludos - Miale.

[su stori]

Originally posted by Michele64
Apo in pessu faeddadu in su telèfonu cun s'amigu meu Miale Santu Pedru...

Balla ca no ast ai spèndiu dexi annus de paga po sa telefonada!

Originally posted by Michele64
.... l'invitant a no impreare prus sos neolozismos suos, ma àteras paraulas ......

E marolla! Si ndi funt acataus issus puru ca fiat una bregùngia!
Mui funti circhendi 'e si ndi scabulli ... ma, incapas, anti trigau tropu ... eus incumentzau de arriri de diora e seus arriendi ancora!

Originally posted by Michele64
.... a su nessi 3.000 de sas 3.400 noas cumpartas finas a como in cussu diariu in retza las at iscritas isse (Michele San Pietro) ..

Sciadaus!

Originally posted by Michele64
Eo personalmente so de acordu de su totu cun Miale...
..

Du sciaiaus giai!

Originally posted by Michele64
... chi non si naret prus chi nois faeddamus semper bene de ...

Nois chini? Arregordadì ca si depis ancora nai ita totu funt is traballus cosa tua po sa Lìngua Sarda (torradì a castiai sa missada http://www.politicaonline.net/forum/...189#post599189 )

adiosu
su stori

[Michele64]

Su problema est chi sas paraulas chi sardinna.info cheret impreadas sunt propiu sos italianismos prus iscarados chi a tie de seguru non t'agradant (e mancu a mie, a su nessi subra de custu semus de acordu)... ¿Ses galu pessende chi tenzant resone issos e no Miale Santu Pedru?

Pro zuigare bisonzat a connoscher...

Saludos - Miale.

[su stori]

Originally posted by Michele64
... ¿Ses galu pessende chi tenzant resone issos e no Miale Santu Pedru?
Pro zuigare bisonzat a connoscher...

Ascu' o Michele, tui de cumenti fait su sardu non d'as cumprèndiu nudda, ca no ses sardu e no tenis sa modèstia chi arrechedit po ddoi lompi (a cumprendi).
Tui ti creis chi, sigumenti unu callichisiat studiosu continentali s'e' fissau cun sa Sardigna, issasa dònnia scimpròriu chi d'acucat, cumpletamenti scapiau de sa vida e de su chistionai de 'ònnia dì de is sardus, is sardus d'iant a depi acòlliri cun grandu prèxiu e arreconnoscèntzia.
Eh! Bivat Santu Perdu (Michele, no su Santu) chi inbentat su sardu po su tempu benidori!
E bai e croccadì! Ma no ti nd'acatas chi si fais scassai 'e s'arrisu?
Sa manera de scri' cosa tua podiat essi puru chentza de mancu unu italianismu, eppuru si bi' de atesu chi e' frassa, ca no e' sardu: est italianu po cumenti e' costruia sa fràsia! Po cumenti e' pensada!
Una fràsia in sardu podit tenni cuncu italianismu, ma si scerat illuegus chi e' sardu.
Unu sardu, no impotat chi siat de cabu 'e susu o de cabu 'e bàsciu, candu lìgit arroba cumenti sa produtzioni cosa tua (no d'ollu nominai po su chi esti), si nd'acatat illuegus chi no e' sardu.
Candu biu documentus scritus in logudoresu, mi nd'acatu chi e' sardu o italianu furriau a sardu, mancai deu siat campidanesu.
Sa chistioni cosa tua è cosa tua e bàstada, no c'intrat sa LSU, no c'intrant is (tontus!) chi t'anti lassau scriri 3000 artìculus in d'unu situ internet chi no ballit nudda. Sa LSU noxit a sa Lìngua Sarda poita pretèndit di essi Sa Lìngua Sarda sendi invecias un arrogheddu de logudoresu-nugoresu; perou unu artìculu scritu in LSU da unu chi de sardu ndi scidi, iat essi sempri mellus de un artìculu de Michele San Pietro.
Andat beni ... o Miche'? Oh .... donniotta ti scarescis de arrespundi a sa domanda:
e ita as fatu e ita ses fadendi tui po sa Lìngua Sarda, francu su de ai scritu una surra 'e lìteras a custu forum?

a si biri
su stori

[Michele64]

A pustis de legher s'ùrtimu messazu tuo, "Stori", tenzo sa cunfirma chi ses petzi unu tzarradore chi, a s'agabu de sos contos, cheret sa matessi cosa chi cherent sos continentales prebènnidos: chi su sardu abarret un'idioma de segunda categoria, cunsideradu comente dialetu dae sa prus parte de sa zente...

[Perdu]

ayò piçocus asseliaus!!!
ascu' Miale, naraddi' ita fais po sa lìngua sarda, aici du fais prexau e acabaus sa kistioni!