Ant a inagurare cras unu parcu nou in Casteddu

[Michele64]

At a esser inagurada cras s'àrea birde noa intre carrera de s'Abadia e carrera de Oslo in Casteddu.

In mesu de sas novidades b'at chi s'ispatziu, su primu in s'Ìsula nostra, cumbidat su percursu "Agility" pro sos canes: un'ispatziu provistu de diferentes trastes pro isvilupare sas capatzidades psicomotòrias de sos animales mediante un'adestramentu ispezìficu gràtzias a s'azudu e a sa ghia de istrutores cualificados.

A su percursu est reservada una superfìzie de 900 metros cuadrados; s'ispatziu chi abarrat (belle 2.300 metros cuadrados) at a esser destinadu a sos chi cherent sintzillamente a nche zugher a passizare su cane issoro, cun presorzu* e murrale*.

In s'inaguradura, prevista pro sas 18.30, ant a intervenner finas assessores, cussizeris comunales e cussizeris de tzircuscritzione.

*presorzu = guinzaglio
*murrale = museruola

[Perdu]

ohh Miale!!!
t'apu nau ki in sa sintassi de su berbu ki ponis un aberbu de tempus su tempus bennidori no nci bolit!!!
la ki est una faddina manna meda! ki fiasta unu de is studiantis mius t'em'a ponni unu 4, e a s'incrasi acumpanjau!!!!

[Perdu]

presorzu? poita? aundi est d'as agatau?

[Michele64]

Sa Papiros l'impreat... si podet narrer finas "ispresorzare", siat in sentidu propiu siat in sentidu figuradu...

Su capu de sa banda nch'at ispresorzadu sos ochidores suos in totu sa cussorza = il capo della banda ha sguinzagliato i suoi sicari in tutto il territorio

In cantu a sa règula subra de su tempus benidore, eo tenzo un'impressione diferente e, mescamente in sas comunicatziones ufitziales, preferzo a narrer "cras apo a andare a Casteddu" chi "cras ando a Casteddu"...

Saludos cordiales - Miale.

[Perdu]

Originally posted by Michele64
Sa Papiros l'impreat... si podet narrer finas "ispresorzare", siat in sentidu propiu siat in sentidu figuradu...

Su capu de sa banda nch'at ispresorzadu sos ochidores suos in totu sa cussorza = il capo della banda ha sguinzagliato i suoi sicari in tutto il territorio

In cantu a sa règula subra de su tempus benidore, eo tenzo un'impressione diferente e, mescamente in sas comunicatziones ufitziales, preferzo a narrer "cras apo a andare a Casteddu" chi "cras ando a Casteddu"...

Saludos cordiales - Miale.

o Miale, la ki candu fueddaus de gramàtiga no podeus nai, custu mi praxit custu nou, ki una cosa est de iaic est de aici.
ki is arrègulas nanta......su tempus bennidori bolit umperai ki no nç'at unu aberbu, est aici e bo, o ki nou ses sbisuriendi sa lìngua sarda.
ki deu in italianu nau:
domani vado al mare, ho visto giorgio andando al mare, deu seu faddendi, mancai mi praxat de prus.
dura lex sed lex, no depeus essi presumius e depeus arrespetai is arrègulas de sa lìngua sarda o ki nou donniunu si ndi scidat e mudat sa sintassi e sa gramàtiga nosta!
i eus a biri:
ta bella domu!
apu biu jorgi andai a mari
stait proendi
custa cosa si depit fai de-i custa manera
e sigheus.............

[Perdu]

po guinzaglio deu apu sempri intèndiu loru.

[Michele64]

Si custas sunt sas règulas chi aplicas tue, las respeto, ma torro a narrer un'àtera bia chi finas a cando su sardu no at a esser ufitziale e no at a tenner un'istandard atzetadu, nemos podet tenner sa pretesa de istabilire règulas fissas universales...

Si ant a esser isseberadas sas règulas tuas comente sas de su sardu unificadu e ufitziale, t'asseguro chi apo a esser su primu a las respetare...

Saludos - Miale.

[Michele64]

Si si podet narrer finas "loru" tantu mezus, custu at a inrichire galu de prus sa limba nostra...

"In su parcu sos canes cherent semper mantentos in su LORU, ma su canigheddu de Diegu su PRESORZU non lu teniat..."

In custa manera s'èvitat una repetidura chi diat sonare meda male...

[Perdu]

Originally posted by Michele64
Si custas sunt sas règulas chi aplicas tue, las respeto, ma torro a narrer un'àtera bia chi finas a cando su sardu no at a esser ufitziale e no at a tenner un'istandard atzetadu, nemos podet tenner sa pretesa de istabilire règulas fissas universales...

Si ant a esser isseberadas sas règulas tuas comente sas de su sardu unificadu e ufitziale, t'asseguro chi apo a esser su primu a las respetare...

Saludos - Miale.

e no, is arrègulas no das fatzu deu das fait sa stòria, su pòpulu, e in sa lìngua sarda sa fràsia tua no esistit.
ma sardu didaderus ses? ki fiasta sardu iast a depi sciri ki no esistit sa fràsia tua, e nosu sardus fueddendi in italianu puru umperaus is arrègulas sardas.
deu puru ki seu laureau naru sempri:
domani vado a pescare, la settimana prossima ho un casino di lezioni.

ponididdu beni a menti, is arrègulas das fait su pòpulu, e is "linguistas" das scrinti sceti, no si das imbèntant, comenti ses fendi tui imoi, imbentendi un'arregula ki sa lìngua sarda no tenit.

transeamus apitz''e is italianismus, fueddus sballiaus, ma ki tocas sa sintassi di una lìngua, da bocis, e custu no du podeus permiti, ca sa sintassi est su coru de una lìngua.

[Michele64]

Belle gasi in su Logudoru nois cussa forma verbale l'impreamus... su mundu est bellu ca est variadu, e finas sa limba sarda est bella ca est variada a parrer meu...

Saludos - Miale.