Li l'aiat naradu zai dae s'incumintzu a Miale Santu Pedru chi su sardu impreadu dae su situ sardinna.info, oramài a probe dae sa morte, fiat italianizadu tropu...

Miale a s'ispissu si dassaiat trampare dae cussos sardistas superfiziales... a s'agabu, pro bonaùra, finas isse at cumpresu comente istaiant sas cosas e at tzeladu de collaborare cun issos...

Finas Miale at impreadu fitianu "apuntamentu", cando finas custa paraula est un'italianismu iscaradu...

In realidade, b'at paritzos tèrmines sardos puros chi andant seguramente mezus...

Sos chi m'agradant de prus sunt "abojada" e "aboju"...

"Aleni s'intendiat meda emotzionada ca fiat sa prima ABOJADA cun Daniele, s'òmine de sos bisos suos".

"¿A at marcadu un'ABOJU cun su dotore?", aiat pregontadu s'infirmera. "Ei", aiat torradu imposta s'òmine, "propiu pro oe merie a sas duas e mesa".