TERRANOA - Costa Smeralda, sa Moby Magic arriscat su naufrazu in s'iscuru: passizeris in su mare in sos barcones de sarvamentu. Sa nae l'ant abandonada in sa deriva.

Un'istampu in sa sala de màchinas a pustis de s'addobada cun unu corpus a modde, mare mannu pro neghe de su bentuestu forte e una nae navighende intre Livornu e Terranoa est in sa deriva pagas mìllias prus addae de Gulfu di li Ranci e arriscat su naufrazu: sos 80 passizeris (carchi deghina de turistas, camioneris e unu grupu de isportivos toscanos) e 80 òmines de s'echipazu sunt istados sarvados.

Los ant fatos artiare a sos barcones de sarvamentu e a pustis sunt istados leados a bordu dae sa politzia costera.

Àteros 9 marineris de su Moby Magic - custu est su nùmene de su trasbordadore, chi pertenet a sa cumpanzia Moby Lines - sunt abarrados in sa nae paris cun su cumandadore dae sas 19.30, ora in ue ant pèdidu azudu, finas a sas 22.

A pustis, cun s'imbarcadura zai inconchinada meda, nch'est cròmpidu su cumandu: "Abandonade sa nae".

Sa Moby Magic est in sa deriva, imberta dae su bentu e dae sas undas a mare abertu, in su Tirrenu ponentesu.