Diegu Corraine cheret bolare a artària bassa

[Michele64]

"Non m'agradat a bolare a artària bassa", naraiat una cantonedda de unos cantos annos a como...

A Diegu Corraine imbetzes eja chi l'agradat... isse cheret unu sardu chi siat su prus italianizadu chi si podet...

A mie, a bolare a artària bassa non m'at agradadu mai, in totu sos campos...

Pro mene, o unu sardu cumpretu e a 24 caratos, o nudda...

[Linux]

Originally posted by Michele64
"Non m'agradat a bolare a artària bassa", naraiat una cantonedda de unos cantos annos a como...

A Diegu Corraine imbetzes eja chi l'agradat... isse cheret unu sardu chi siat su prus italianizadu chi si podet...

A mie, a bolare a artària bassa non m'at agradadu mai, in totu sos campos...

E ita ses fadendi immui? No ses bolendi a rasenti 'e terra?
Ses a scimingius de conca cun custu Corraine!
No ddu connosciu, ma no creu chi a Corraine ndi d'importit nudda de "italianizai" su sardu.
In dònnia manera, no est giustu a chistionai mali de unu in sa retza, a su mancu candu issu no podit arrespundi.

a si ligi

[Michele64]

Non so faeddende male de isse comente pessone (custu eja chi diat esser inzustu), so sintzillamente critichende sa manera sua de bider una limba sarda arta, e de seguru non so su primu a lu fagher...

In onzi casu, pesso chi sos messazos meos non siant nudda a cunfrontu de sas inzurzas, gratuitas de su totu, chi at dèvidu bajulare s'amigu meu Miale Santu Pedru in un'àteru foru...

[Linux]

Originally posted by Michele64
... In onzi casu, pesso chi sos messazos meos non siant nudda a cunfrontu de sas inzurzas, gratuitas de su totu, chi at dèvidu bajulare s'amigu meu Miale Santu Pedru in un'àteru foru...

Boh! A mimi custu fueddai, chentza chi si cumprendat beni su "ita", su "cumenti", su "candu", su "poita", su "me innoi" e su "chini", mi praxit pagu.
Deu seu chistionendi de custu forum, de Corraine chi no podit arrespundi (ca no est iscritu a custu forum e incapas mancu ndi scit nudda), de tui chi ses sempri chistionendindi.

a si ligi

[Perdu]

Originally posted by Michele64
"Non m'agradat a bolare a artària bassa", naraiat una cantonedda de unos cantos annos a como...

A Diegu Corraine imbetzes eja chi l'agradat... isse cheret unu sardu chi siat su prus italianizadu chi si podet...

A mie, a bolare a artària bassa non m'at agradadu mai, in totu sos campos...

Pro mene, o unu sardu cumpretu e a 24 caratos, o nudda...

no nç'at abisonju de oberri unu thread po una personi ki no arrespundit

[Michele64]

¿Tando pro ite amus abertu unu thread subra de Soru? Comente diat tenner isse sa possibilidade de torrare un'imposta?

[Perdu]

Originally posted by Michele64
¿Tando pro ite amus abertu unu thread subra de Soru? Comente diat tenner isse sa possibilidade de torrare un'imposta?

soru est soru....

[Aleri]

Sa kistioni de sa "scola" corrainesa est de importu mannu po kini creit ki su sardu s'iat a depi adelantai in su benidori.

Su pensamentu suu (corrainesu), su de fai una limba basça po s'ùmperu de donnya di' e una limba arta po scriri est sa kistioni prus orrorosa ki podiat incapitai a sa limba nosta.
No mi frimu nimancu a nai ki sa limba basça est su sardu e s'arta est s'italianu...cuncetus foras de sa curtura nosta e de is limbas ki anti bìviu po seculus meda (castiai s'ingresu ita limba umpèrat: sempri sa pròpia).
Ki calincunu, comenti a Miale, ndi kistiònat po ataçai custa manera strocidora de s'italianu e de sa curtura italiana de "azzeccagarbugli", deu soi de acòrdiu, ca est batendu un'atra idea po su benidori de sa limba nosta.

Sa kistioni, deu creu, no est a bogai a foras nòminis, ca tantis totus si connosceus o connosceus is personis ki funt a intru 'e sa kistioni linguìstiga.
Mancai issu no du-e siat innoi, no seus atakendu sa personi ma sa manera de traballai cun sa limba, ki impòrtat a totus, bitu ca issu est sètziu in d-unu ufìtziu pùbricu puru, tandu est fendu cosas po totus.