Mereu bincit

Bah ... su frimi de Mereu no est unu frimi a suba 'e sa lìngua sarda. Sa lìngua sarda c'esti a intru a su frimi in manera naturali, ca, sa genti chi c'e', e' sarda e chistionat in sardu (e, cosa bella, in sardu de logus diferèntis). Su frimi chistionat de cosa chi ballit po totu is òminis de su mundu, no sceti po is sardus. Fadendi custu, perou, Mereu nd'at fatu bessì a pillu su sardu puru ... e d'at fatu beni meda.

Miale at nau:

Citazione:

---

Originally posted by Michele64
... nois faeddamus sardu ca pessamus chi est un'idioma cun totu sos pabiros in règula e ca non lu faghimus pro brulla...
Custa ùrtima postura, a dolu mannu, est galu ispainada in mesu de sos continentales...

---

Sa primu cosa chi mi 'enit 'e pensai esti: nois chini?
Deu chistionu su sardu ca est sa lìngua nosta.
Deu creu fintzas chi su sardu est una lìngua chi di spetat sa pròpriu dinnidadi de is atras lìnguas de su mundu (po da nai a sa Mialesa: "est un'idioma cun totu sos pabiros in règula"), perou custu benit a pustis.
No apu intèndiu mai continentalis chi pensant chi nosu chistionaus su sardu po brulla, e no arrannèsciu a cumprendi poita d'ìanta depi pensai. Est sutzèdiu prus de un'otta, in continenti, de ai chistionau sceti in sardu cun atrus sardus e is continentalis chi ci fìanta, e no nd'aciapanta nudda, no m'e' pattu chi àpanta pensau chi fiaus brullendi.

Citazione:

---

Originally posted by Michele64
Petzi nois podimus mudare sas cosas cun su traballu nostru...

---

.. o Gimmi! Nois chini?

a si biri
su stori

Insandus mi dias dever crarire pro ite 90% de sos terramannesos chi Miale lis at naradu chi s'interessaiat pro su sardu l'ant praticamente rìidu in sa cara... Sa realidade est tosta, trista e evidente, e non servit a infercher sa conca in s'arena... e sa neghe la tenent finas (eo dia narrer prus chi totu) sos sardistas farsos ch'ischint petzi a semenare ipocresia, e su prus de sas bias lu faghent in italianu...

In cantu a s'ùrtimu puntu pesadu dae tie, eo so de seguru unu chi traballat a sèriu pro s'afortimentu de sa limba sarda... finas tue ses faghende carchi cosa (e eo non tenzo dificurtade peruna a lu reconnoscher, non so tontu che a tue chi negativizas de manera sistemàticas totus sos chi non cumpartent sos puntos de bistas tuos), ca a su nessi inoghe ses iscriende in sardu... ma in prus de custu a parrer meu non ses faghende nudda...

Saludos - Miale.

Citazione:

---

Originally posted by Michele64
.... eo so de seguru unu chi traballat a sèriu pro s'afortimentu de sa limba sarda...

---

No asi scoviau mai ita stocada fais "pro s'afortimentu de sa limba sarda" francu su de scriri in custu forum.

Citazione:

---

Originally posted by Michele64
... non so tontu che a tue ....

---

a ca no intzurtasta?!

Citazione:

---

Originally posted by Michele64
... ma in prus de custu a parrer meu non ses faghende nudda...

---

Deu no mi seu mai bantau de nudda, apu sempri nau ca scriu in custu forum ca mi fai praxei de scriri in sardu e boh.
Ses tui, omini palleri, chi ses sempri bantendidì di essi unu grandu traballadori po sa lìngua sarda: is atrus "tzarrant" e tui fais "cosa cuncreta". E ita dimòniu fàisi?

a si biri
su stori

Su frimi de Mereu esti pratziu in cuatru partis: beranu, istadi, atòngiu, ierru.
Su chi m'e' pràxiu de prus e' stau s'atòngiu, candu cussu machillotu nd'est aprobiau a pratza cun s'apixedda sonendi su ballu sardu ... apu dèpiu cuai unu pagheddu de emotzioni ..

a si biri
su stori

Finas a iscrier in sardu in custu foru pro mene est carchi cosa, e custu mèritu, comente apo zai naradu, lu reconnosco sena dificurtade finas a tene...

A bandas de custu, so faghende medas àteras cosas pro sa limba sarda, e las fago a livellu personale e a gastos mèos...

P.I.: "A infercher sa conca in s'arena" a mene m'agradat meda comente fràsia. De su restu, in sa fràsia italiana echivalente non b'at mancu una paraula assimizadora ("infilare", "testa", "sabbia")... Si diat poder narrer finas "fagher s'aestrussu"... ¿Tue connosches àteras fràsias? Si s'imposta est ei, ti prego de nche las bogare a foras, t'apo a ascurtare cun meda interessu...

Citazione:

---

Originally posted by Michele64
... A bandas de custu, so faghende medas àteras cosas pro sa limba sarda, e las fago a livellu personale e a gastos mèos...

---

aaaaah ... apu cumprèndiu, is atrus "tzarrant" e "tzarras" tui puru:
eo tzarru
tue tzarras
Gimmi tzarrat
... o Michele San Pietro! ... aiò!

Citazione:

---

Originally posted by Michele64
P.I.: "A infercher sa conca in s'arena" a mene m'agradat meda comente fràsia. De su restu, in sa fràsia italiana echivalente non b'at mancu una paraula assimizadora .. ("infilare", "testa", "sabbia")...

---

e "innoi nd'arruit su burricu" Miallicu!!! (innoi=qui, casca=nd'arruit, l'asino=su burricu) Is fueddus funti sardus, ma sa fràsia est italiana (e fait arri' de prusu meda de una fràsia sarda cun italianismus in is fueddus liaus a solus).

a si biri
su stori

Comente a su sòlitu ischis petzi criticare sena operare... e sas crìticas puras e sintzillas sena propostas alternativas non balent nudda...

Pro bona sorte, comente apo zai postu in craru, s'opinione tua no est detzisiva (e isperamus chi non lu siat mai)...

Citazione:

---

Originally posted by Michele San Pietro
Comente a su sòlitu ischis petzi criticare sena operare...

---

Deu fatzu sa critica betindindi argumentus, e medas puru, po amostai chi su chi seu narendi e' berus; po mei si du fait aici.
Tui, a ca "operasa", du na' tui mancai de custu "operai" cosa tua no si ndi biat mancu s'arrastu,
duncas su chi na' tui no est nudda, funti intzurtas sceti ... atru chi "bobai bàsciu" ..

a si biri
su stori

Citazione:

---

Originally posted by su stori
Su frimi de Mereu esti pratziu in cuatru partis: beranu, istadi, atòngiu, ierru.
Su chi m'e' pràxiu de prus e' stau s'atòngiu, candu cussu machillotu nd'est aprobiau a pratza cun s'apixedda sonendi su ballu sardu ... apu dèpiu cuai unu pagheddu de emotzioni ..

---

D'apu biu deu puru su firmi de Srabadoi Mereu: bellu diadèrusu.
Mancai sia dividìu, abàrrada tott'unu a su pròpriu.
Sa sardidadi ti da fàidi intendi in is ossus, fintzas de s'inghitzu de cussus piciocheddus chi ndi càbanta faci a su mari.
Deu puru, candu fia pipieddu, mi nci pottanta a mari: mi parìada de andai a s'atra parti de su mundu.

a si ligi

Saludi a totus!

Deu puru mi nci soi acabussau in su cìnema po biri sa pellìcula de Mereu. Bellu ma bellu meda!!
A mei puru m'at pigau interessu po sa de tres partis, s'otonju.

O su stori, tui ita ndi pènsas de sa figura de sa monja?

A Linux: deu inbeças a mari nc'apu passau totu sa pipiesa e no m'intendia in domu ki no a mari e totu, perou is iscenas cun is pipius in s'aba funti LIBERTADI a su 100%!!

Pensendu puru a is pagu trastus ki ugiat Mereu!

"ti crepu mi'" sa fràsia sìmbulu!