cursu sardu!!

[Aleri]

Saludi a totus!

Po parti mia e de Perdu si nau ki eriseru eus inghitzau su cursu de arfabetamentu in lìngua sarda in Casteddu, bi'e Nùgoro 43.

A is duus atòbius de is 18:00 e de is 200 est lòmpia prus genti de su ki s'abetiaus; seus in 40 jai!! Seus abarraus prexaus e spantaus de totu su ki anti nau is imparantis, su scallentamentu ki tenìanta, sa gana de traballai.

Una piçoca m'est praxa meda: "nosu seus sa genia ki depit furriai totu su ki seus stètius in is ùrtimus 30 annus; depeus torrai meris de su benidori e de limba nosta"!!!

Funti prus piçocas ki piçocus e genti de 19 a 60 annus, traballadoris e studiantis...totu sa sotziedadi.

Tòcat a traballai beni e meda imoi, ma peri teneus prus ki unu speru po su benidori!

Aleri

[Michele64]

Norabonas e sighide gasi...