Sa temporada forte chi at leadu in petus Crabònia eris merie a ora de sas ses at causadu contrariedades intro de bidda e in sa periferia.

Àrvores ghetadas a terra, unos cantos fundagos inundados, arramos truncados e bulliados a intro de sos ortos e a sas carreras, finas issas invàdidas dae su ludu, cassoneddos de s'arga bortulados.

Custos sunt sos dannos prus mannos chi ant custrintu a paritzos interventos sos pompieris, sos òmines de sa proteghidura tzivile e sos operarzos comunales.

Sa situatzione paret chi siat torrada a sa normalidade.