¿Bilìngue o bilimbe?

[Michele64]

Custa est una de sas pagas cosas in ue m'agato in cuncordàntzia cun sa domo editora "Papiros"...

A bisu meu, a un'ala est craru chi devimus narrer "limba" (a su nessi in logudoresu), custa paraula faghet parte de s'essèntzia de s'idioma nostru...

De àtera banda, a parrer meu est mezus a narrer "linguìsticu" (gasi comente "bilìngue" e no "bilimbe"), ca si tratat de una solutzione internatzionale impreada dae totu sas àteras limbas neolatinas, cando chi "limbìsticu" mi paret unu tèrmine tropu anfaneri...

Finas in rumenu si narat "limba" comente in sardu, ma s'azetivu currespondedore est "lingvistic", no "limbistic"...

In onzi manera, est craru chi finas subra de custu tema onzi unu podet tenner s'opinione chi cheret, e no est esclùdidu ch'in sa limba sarda literaria de cras ambas duas bersiones apant a esser atzetadas...

¡Saludos e bivat sa limba sarda!

Miale.

[bardhana]

Custa est una cosa ki dae tandho m'at fatu pessare, ma pessare no meda ka deretu apo apidu sa bidea mia. Deo pesso ki narrer bilinguismu siat sa cosa prus fea ki si potat fagher, lozicamente pro sos de bariedade logudoresa, fintzas Diego Corraine ki istimo pro ateras cosas, da ki la impitat irballiat.
Su ki pesso deo est ki si depat narrer o BILIMBISMU o DUALIMBISMU, ripito, nessi pro sos de bariedade ki narat LIMBA e no LINGUA, issos justamente podent narrer o menzus depent narrer ...linguismu.

a ateras bortas menzus

[Cristianu]

Po mimi is Logudoresus dèpint nài BILIMBAS e is Campidanesus BILINGUAS...

[Perdu]

difatis, deu pensu ki depeus essi sempri autònomus in sa lìngua, in sa grafia e in su fueddàriu puru.
bilimbe e bilingui funti is fueddus mellus a parri miu