Liau de s'ùrtimu nùmeru de "Aintr'a dì"

[Linux]

Liau de s'ùrtimu nùmeru de "Aintr'a dì", su mensili de s'assòciu sardu "Arriu Meda e Piscina Nuxedda" de Domu 'e Olla (Cuattu) (artìculu firmau da Cristou Catta):

"Su mensili nostu est totu in sardu. Calincunu, in sa bidda innoi tenit sa sedi s'assòciu nostru, s'est postu a arri' po custu.
In realtadi, non ci at pròpriu nudda de si nd'arri', ca su sardu est una lìngua, no unu dialetu, i est unu delitu a no d'abalorai cumenti si spetat.
Atrus ciaciarrant in italianu, nosu fadeus cosa cuncreta in sardu: spereus chi genti meda s'apant a sapiri de custu fatu craru che sa luxi 'e su soli".

E 'ta dimòniu! Gei fiat ora! A sa fini calincunu chi tenit ideas craras!

Saludus e bivat sa lìngua sarda!
Bivat Cristou!
Bivat Peppi Ottu (unu chi scri' a de notti in "Aintr'a dì")!
Bivat Giuanni Sanna (ci nd'at ai a su mancu deximilla, aici no du podeis agatai).

a si ligi
Pascuallinux

P.S.: sa posta de "Aintr'a dì" at a arribai (candu at a arribai?) "a de notti"

[Michele64]

Dia cherrer dare cun meda praghere sa bene bènnida a custa revista noa in limba sarda...

[Linux]

Sa posta de "Aintr'a dì" (nùmeru 3 - mesi 'e dònnia santu 2003), lobai:

fiat furriendi a domu a pustis de una dì passada in su sattu circhendi cardolinu candu, totu in d'unu, me in sa ia a palas de una curva, mi biu unu piciocheddu bendendi sa rivista de bosatrus "Aintr'a dì". Nd'apu pigau illuegus dexi còpias!
E ta cosa bella! Ta spantu! Fiat ora de si ndi scidai! A d'acabai cun is ciciarras e fait cosa cuncreta!
Cumplimentus a su diretori Frau!
Saludus e bivat sa lìngua sarda!
Bivat Cristou!
Bivat Peppi Ottu, chi scri' a de notti in "Aintr'a dì"!
Bivat Giuanni Sanna, mancai no scia a chini sìada!
Bivat nosu! Bivat totus!

Licu Nieddu - "tzicheddu" de nomìngiu - lotoneri de traballu
Pauli Arbarei

[su stori]

Oh! D'apu agatau deu puru "Aintr'a dì"! Piticu puru! Balla ca giorrunnalis di aici togus no ci ndi fìat stètiu mai. D'apu agatau a su semàfuru de sa 554 po girai a Pauli-Patiolla: nd'apu pigau illuegus 35 còpias! E mi seu lìgiu a lestru sa posta, lobai:


Sa posta de "Aintr'a dì" (nùmeru 4 - mesi 'e ladàmini 2001:

fiat andendi in su sattu a circai cardolinu candu, totu in d'unu, me in su morixeddu innoi fuat passendi a palas de una crasura de figu murisca, mi biu unu piciocheddu bendendi sa rivista de bosatrus "Aintr'a dì". Nd'apu pigau illuegus 43 (corantatres) còpias!
E ta cosa bella! Ta spantu! Fiat ora de si ndi scidai! A d'acabai cun is ciciarras e fait cosa cuncreta!
Cumplimentus a su diretori Frau!
Saludus e bivat sa lìngua sarda!
Bivat Cristou!
Bivat Peppi Ottu, chi scri' a de notti in "Aintr'a dì"!
Bivat Giuanni Sanna, mancai no scia a chini sìada!
Bivat nosu! Bivat totus!
Fadeu s'amori e no sa guerra!

Nàssiu Zuddas - "cagallacratza" de nomìngiu - lotoneri de traballu
Pirri

a si biri
su stori

[Linux]

Originally posted by Michele64
Dia cherrer dare cun meda praghere sa bene bènnida a custa revista noa in limba sarda...

Custu mangianeddu chitzi in d'una butega 'e lotoneris (funti seti fradis totu lotoneris) de una bidda acanta doi bivit unu fradibi miu, apu atobiau a Cristou Catta,
paris cun su diretori Marieddu Frau e
cun Mondina Pischedda, una picioca bona, ... ma bona meda perou, de sa redatzioni de "Aintr'a dì"
e chi teniat in domu dexi o doxi tubus truncaus.
M'ant amostau una còpia de "Aintr'a dì" di ocannu.
A ca nd'anti mandau tremillacincuxentus (3500) còpias a Casalpusterlengo (Lodi).
A ca me inguddenis funti a amachiadura, sardus e continentalis, po sa rivista insoru.
O Mialli, tui chi no ses atesu meda de Casalpusterlengo, bai e pigadindi unus cantu 'e còpias, po tui e po is "custrintos tuos",
a lestru perou ... là ca du spàcianta illuègusu!
Ita potzu nai de prusu!?
E ta cosa bella! Ta spantu! Fiat ora de si ndi scidai! A d'acabai cun is ciciarras e fait cosa cuncreta!
Cumplimentus a su diretori Frau!
Saludus e bivat sa lìngua sarda!
Bivat Cristou!
Bivat Peppi Ottu, chi scri' a de notti in "Aintr'a dì"!
Bivat Giuanni Sanna, mancai no scia a chini sìada!
Bivat nosu! Bivat totus!
Fadeu s'amori e no sa guerra!
Bivat Mondina Pischedda!

a si ligi

[su stori]

Balla ca, chi mi d'èssinti contau, no d'emu mai crètiu! Imui pag'ora ci seu imbucai in d'una buteghedda 'e arroba bècia, circhendi cosa bècia .... e, spantu mannu, apu agatau una càscia sadra antiga (de cussas de linna totu traballada e scolpia cun figuras de cassa e de ballu sardu): fiat prena de còpias de su nùmeru 25 (bintixincu) de "Aintr'a dì".
Apu domandau a su butagheri (unu lodigianu disterrau in Biddarega de a su mancu trint'annus) de ita mesi fìanta e m'at arraspustu ca fìanta de su mesi 'e friaxu de su 1975.
- "E cantu fàinti càscia cun giornalis e totu?" di fatzu deu
- "Dus apu giai promìtius a s'assòciu de is lotoneris de Biddarega "tubu truncau", funti unus trinta o coranta, e mi ndi 'ònanta 450 eurus" ...
.. babà, apu pensau deu, là ca mi ndi lassu fuiri s'ocasioni! D'apu donau illuegus 500 eurus e mi seu carriau a coddu càscia cun giornalis e totu!
Mui seu ligendi is artìculus de Mundiccu Pischedda ... o Linux, depit essi su babbu de Mondina ... a suba 'e s'annada mala 'e sa canciofa sadra (sa cun sa spina).
Ci at su furrungoni de sa posta puru:


Sa posta de "Aintr'a dì" - Nùmeru 25 - mesi 'e friaxu 1975

"redatzioni cara de "Aintr'a dì", seu unu lotoneri de Mragaxori, apu lìgiu cun meda praxei totu is 24 nùmerus de sa rivista de osatrus. Is atrus 29 (bintinoi) lotoneris de bidda si nd'arrinti de mimi ca funt imbidiosus poita seu s'ùnicu de 'idda chi at acutu a ndi pigai su nùmeru 1 (unu), cussu cun sa cura po sanai is pibisias imperendi sa folla de maboneddu budru.
Si spetat unu grandu arringratziamentu e ... ita si potzu nai:
E ta cosa bella! Ta spantu! Fiat ora de si ndi scidai! A d'acabai cun is ciciarras e fait cosa cuncreta!
Cumplimentus a su diretori Frau!
Saludus e bivat sa lìngua sarda!
Bivat Cristou!
Bivat Peppi Ottu, chi scri' a de notti in "Aintr'a dì"!
Bivat Giuanni Sanna, mancai no scia a chini sìada!
Bivat nosu! Bivat totus!
Fadeu s'amori e no sa guerra!
Bivat Mondina Pischedda (chi at a trigai a nasci atru dex'annus)!
Bivat Mundiccu Pischedda!

deu atotu Mundiccu Pischedda
Mragaxori"


a si biri
su stori

[su stori]

Originally posted by su stori
deu atotu Mundiccu Pischedda
Mragaxori

Mundiccu Pischedda - "pistilloni" de nomìngiu - lotoneri de traballu

[su stori]

"Aintr'a dì" est circhendi a perdas pesadas 75 giorrunnalistas sadrus chi scrìanta in sardu (barianti serresa).
Po podi imbucai in sa redatzioni, arrachèdidi "esperièntzia" de a su mancu 35 annus de "lotoneri industriali" opuru su "passaportu gonesu" opuru de ai bìviu 30 dis in Kuala Lumpùr.
At a essi cunditzioni di esclusioni su de no tenni cumpetèntzia mancu pitica a suba de s'arratza de su "boi arrùbiu de Montiverru".
Gradèssiu su de ai cantau in su "cuntratu seneghesu", po is chi ant a depi atendi sa rubrica "sa boxi de su ligidori".
Atra cosa no ndi sciu.

adiosu
su stori

[su stori]

"Aintr'a dì" esti circhendi unu "arridadori" specializau in "alladriadura de su civraxu"