Eris merie, sa cadena ispannola "Canal 24 Horas", chi trasmitet mescamente noas e si podet captare cun s'antenna parabòlica, at propònnidu una relata curta subra de sa Sardinna.

S'ìsula nostra est istada presentada comente unu logu in ue si campat meda longamente, crarende chi custa lonzevidade si devet a su fatu chi sos sardos nos semus cojuados mescamente intre nois peri sos sèculos... custu est meda beru, ma a pustis sa cadena ispannola at annantu chi "sos sardos no ant tentu mai su bisonzu de emigrare a terra manna"...

A custu ùrtimu atrogamentu eo diat torrare imposta cun "¡Tambene!"...

In onzi manera, in zenerale est istada una relata bastante bona...

Est craru chi no ant naradu mancu una paraula subra de sa limba sarda, ma custu no nos devet surprender...