Totus isparessius?

[Josto]

Hapu lassau su computadori studau feti una pariga'e dis e custu Forum, de is dexinas de arrexonadas chi teniada immoi nd'acatu dus o tres.
E it'est sutzediu?
Seis andaus in bacàntzia totus in dd'unu?

[amsicora]

Nou Josto, ma parit ki siaus ke su cani ki si mossia sa cou, girada girada ma no da cassat mai, Linux circada, Cristianu circada, deu circu, tui circas....... 2 3 4 ....seus in 4....... bastaus o nci di ollinti aterus?
fortza paris

[Cristianu]

Est calancunu die ki no castiu su forum, imoi comuncas bìu ki, puru si no seus "al completo", meda forumistas funt retorrendi a postài, e is missadas funt su propriu unu muntoni.

[Michele64]

Eja, eo so in ferias, in custu mamentu m'agato in Catalunna, ma pusticras apo a esser in sa Sardinna mea, in ue nch'apo a colare una pariga de chidas...

Saludos a totus sos forumistas (a dolu mannu su puntu Internet de s'albergu meu non tenet s'atzentu grae)...

Miale.

[su stori]

Originally posted by Michele64
.... pusticras apo a esser in sa Sardinna mea, in ue nch'apo a colare una pariga de chidas...
Saludos a totus sos forumistas (a dolu mannu su puntu Internet de s'albergu meu non tenet s'atzentu grae)...
Miale.

Ei ... deu puru seu in fèrias, oi e' su cuindixi de austu e in bidda ndi funt aprobiaus totu is emigraus ...
Beh ... tocat a mi ndi fuiri 'luegus, ca depu schidonai is proceddus ... o Michele64,
tui, su proceddu, bonu ses a du schidonai?
Intreu o a perras, no s'agatat duarchesu chi no siat bonu a du fai!

E si torru a nai: passainci bellas festas de metadi austu
su stori

[amsicora]

O su stori,
deu nci seu ancora.......me in Italia.....ma ki abettas una pariga de disi, ti axudu deu a schidonai su proceddu, ma deu seu disigendu s'anguidda arrustu e is mungettas tapadas, passaisidda beni puru osatrus sa die de mesu austu!
Fortza paris

[su stori]

Originally posted by amsicora
.... deu seu disigendu s'anguidda arrustu ...

po schidonai s'anguidda, primu po primu, oidi a da pungi in mesu in mesu, pustis di girai sa conca e da pungi a parti de aranti (acanta de sa conca) e a s'acabu di girai sa coa e da pungi a parti a co'. Candu ndi fais una bella schidonada, parit fintzas una compositzioni artistica!

a si biri
su stori

[amsicora]

.....e nou! su stori, nosu me in bidda nosta e atras puru, s'anguidda no s'iskidonat de aici! cument naras tui (tuisi, tegus, tegos, eac...; ) o Perduuu) assimbillada a sa @, comenti fadeus nosu assimbillada a una S poita, primu po primu, iskidonaus sa conca pois sa pati de mesu e pò urtimu acanta de sa conca, comentisisiat adessi bona puru deaici comenti naras tui........
no biu s'ora
Fortza paris

[su stori]

Originally posted by amsicora
... e nou! su stori, nosu me in bidda nosta e atras puru, s'anguidda no s'iskidonat de aici! cument naras tui (tuisi, tegus, tegos, eac...; ) o Perduuu) assimbillada a sa @, comenti fadeus nosu assimbillada a una S poita, primu po primu, iskidonaus sa conca pois sa pati de mesu e pò urtimu acanta de sa conca, comentisisiat adessi bona puru deaici comenti naras tui........
no biu s'ora
Fortza paris

Est berus! Genti meda fait di aici. Perou, schidonada a sa moda chi ses narendi tui, de anguidda ndi doi capit prus pagu. In sa manera chi ti nau deu doi capint, po nai, doxi anguiddas me innoi, schidonandiddas a S, ndi capint otto o dexi totu a su prus.
Chi e' po cussu ci at un'atra manera puru de schidonai s'anguidda (cun cuatru stampus in logu de tresi):
est a sa moda chi t'apu nau deu (sa chi assimbillat a sa @), ma lassendi prus tretu in sa parti 'i a co' (po fai cussu tocat a pungi sa primu borta in mesu ma unu pagheddu prus acanta a sa conca).
Aici t'abarrat su logu po girai sa coa u' antar 'otta (e custa borta perou a froma di S). Di aici bessit una @ sighia de una S. Bella de biri e bella a papai annò?

saludi
su stori

[amsicora]

TENIS ARREXONI, DEAICI DOI ESTI PRUS LOGU.....DU FATZU!
E DE IS MUNGETTA TAPPADAS ITA NDI NARAS?