Sa berrita, unu de sos sìmbulos de sa sardidade

[Michele64]

Sa berrita, su bonete nostru tìpicu, custituit sena peruna casta de dudas unu de sos grandu sìmbulos de sa sardidade...

Eo nde tenzo chimbe, de colores diferentes, e sigomente in terra manna est incumintzende a fagher fritu, in custas dies l'impreo fitianu...

Un'amigu meu de Sarule nde tenet una colletzione istremenada: ¡Prus de 200 unidades!

Bivat sa berrita e totu su chi rapresentat pro nois sardos...

[Linux]

Originally posted by Michele64
Sa berrita, su bonete nostru tìpicu, custituit sena peruna casta de dudas unu de sos grandu sìmbulos de sa sardidade...

Eo nde tenzo chimbe, de colores diferentes ...

... su bonete est unu tipu particolari de "berrita". Sa berrita bera esti cussa antiga: da bisi cussa chi tenit in conca su "avatàrriu" cosa mia? Cussa esti sa berrita bera.
Su bonete e' sa berrita de imui, e di nanta "bonete" sceti in cabesusu.
Poita di nanta bonete gei d'as a sciri, annò?
Ascurta Mialli, e de calli coloris funti is tuas 5 berritas?

a si ligi

[Michele64]

Linux istimadu,

eo personalmente impreo "bonete" comente paraula zenèrica, chi currespondet a s'italianu "berretto" pro si cumprender (de àtera banda, finas in frantzesu si narat "bonnet")...

Pro su chi pertocat sos colores de sas berritas mèas, sunt sos sighidores: biaìtu, birde, tabachinu, ruju e nieddu...

Unu saludu - Miale.

[Linux]

Originally posted by Michele64
... eo personalmente impreo "bonete" comente paraula zenèrica, chi currespondet a s'italianu "berretto" pro si cumprender (de àtera banda, finas in frantzesu si narat "bonnet")...

E' craru chi no du scisi ... perou ses acostendidì a s'arraspusta giusta ... ma, càstia in su fundu de is berritas cosa tua, ... ita ci at scritu?
Faisiddu sciri!

Originally posted by Michele64 ... sos colores de sas berritas mèas, sunt sos sighidores: biaìtu, birde, tabachinu, ruju e nieddu...

... e ita dimòniu, ses meda originali! Arrubias no nd'apu mai biu! Sa chi impèranta de prusu esti sa murra

a si ligi

[Michele64]

Est beru, babu meu nde tenet duas murras...

Est beru finas chi rujas sunt raras meda, belle gasi s'agatant...

Saludos - Miale.

[su stori]

Eya Miallixe' ... perou Linux t'a' nau:

Originally posted by Linux
... càstia in su fundu de is berritas cosa tua, ... ita ci at scritu?
Faisiddu sciri!

e d'iaus a bolli sci'. In su fundu, a parti a intru depis castiai: ita doi esti?

[Michele64]

B'est petzi su nùmene de s'impresa fabricadora, ch'in tres casos est sa Piu de Sarule, e in duos sa Pira de Durgale...

Unu saludu - Miale.

[su stori]

Originally posted by Michele64
B'est petzi su nùmene de s'impresa fabricadora, ch'in tres casos est sa Piu de Sarule, e in duos sa Pira de Durgale...

No s'agatat nisciuna "impresa fabricadora" de berritas Piu in Sarule.
E su nòmini de custu Piu no si scidi? O est unu segretu?
Mancu berritas de Pira in Durgale apu agatau.
Comuncas, aici du scisi tui puru, su bonete si narat di aici pròpriu poita chi su màrchiu de s'impresa fabricadora fìada "Bonnet". De innì nd'e' bènniu bonnete, bonnetu, bonete ..

a si biri
su stori

[Michele64]

S'impresa fabricadora Piu no esistit prus dae bator annos, mi paret chi si siat fùndida cun un'àtera.

Sa Pira imbetzes esistit galu chi eo nch'ische...

Saludos - Miale.

[su stori]

Originally posted by Michele64
Sa Pira imbetzes esistit galu chi eo nch'ische...

Andat beni! Ma no creu chi in su capeddu doi siat scritu sceti Pira - Durgale, ci at essi scritu atra cosa puru, annò? A su mancu su nòmini ci at essi!