In sa die de eris, in su caminu natzionale 131, intre Mògoru e Santa Zusta, un'automobilista de 38 annos est istadu aressadu dae sa polima de sos caminos a pustis de paritzos chilòmetros percursos a manu contrària.

Esatamente unu mese a como, un'òmine mannu de tempus aiat leadu contra sentidu su passazu elevadu de Mògoru e fiat resèssidu a fagher prus de binti chilòmetros in antis chi lu blocaret un'elimòbile.

Isperamus chi si tratet petzi de cointzidèntzias e ch'in sa Sardinna nostra non siat a puntu de s'ispainare custa moda maca e perigulosa de biazare a manu contrària.

Su fenòmenu tristu de sos gasi mutidos "automobilistas pàntuma" aiat còrfidu in manera particulare, in sa segunda metade de sos annos otanta, sa Zermània e s'Ispanna.

Custu ùrtimu paìsu fiat istadu su chi aiat sufertu de prus pro neghe de cuddos gaddinosos: si tratataiat de iscumissas beras e pròpias e medas pessones pigaiant boluntariamente s'autocaminu a manu contrària, binchende unu prèmiu si non s'iscostiaiant cando atopaiant a àteros veìculos...

Pro neghe de cuddu màchine, diferentes pessones inotzentes aiant pèrdidu sa bida...

In onzi manera, eo pesso chi carchi cosa si podat fagher contra a sos automoblistas pàntumas: pro esempru, a ponner in sa caminera tiras ispetziales chi s'allughent cando calicunu est a puntu de pigare unu caminu contra sentidu.

Sa seguràntzia in su bolante non tenet preju...

Saludos e bivat sa limba sarda - Miale Bussu.