"-dorzu": una de sas terminaduras prus autenticamente sardas

[Michele64]

Sa terminadura "-dorzu" ("-droxu" in campidanesu) est una de sas prus tìpicas de sa limba sarda e ìnditat unu logu in ue si faghet carchi cosa.

Apo bidu chi Perdu e sos cumpanzos suos ant fraigadu noulozismos meda cun custa terminadura.

Nois semus faghende su matessi, allò unos cantos de sos chi amus creadu:

isparadorzu = poligono di tiro
zinnasticadorzu = palestra
botzadorzu = bocciofila
fraigadorzu = cantiere
mandigadorzu = mensa, refettorio

In mesu de s'àteru, semus tenende una duda: pro "sala d'attesa" finas a como amus semper impreadu "aposentu de isetu", ma forsis diat esser prus sardu a narrer "isetadorzu"...

Saludos e bivat sa limba sarda - Miale Bussu.

[Perdu]

-droxu
est su sufissu cun sa emtatesi de sa R
sa froma prus netra est
-dorju
e duncas est simpri meda a passai de su campidanesu a su logudoresu, abàstat a ndi mudai sa J o sa Z
est diaderus unu de is sufissus prus spainaus in sardinnya

[Perdu]

eus pensau sa pròpiu cosa po sala d'aspetto, unus cant''e annus fait femus pensendi a:
abetadorju > abetadroxu

[Michele64]

Ei, si andat bene "abetadorju" pro su campidanesu, tando andat bene puru "isetadorzu" pro su logudoresu...

Salude e trigu - Miale Bussu.

[Perdu]

Originally posted by Michele64
Ei, si andat bene "abetadorju" pro su campidanesu, tando andat bene puru "isetadorzu" pro su logudoresu...

Salude e trigu - Miale Bussu.

difatis, po mei àndat beni meda....mellus de sa sala de isetu o de abetu!

[Michele64]

Àteras possibilidades:

- aparcadorzu (andat mezus chi s'ispannolismu "aparcamentu");
- fraigadorzu (est de preferrer a s'italianismu "cantieri");
- nadadorzu (est mezus chi "pischina", ch'in sardu ìnditat un'àtera cosa, su ch'in italianu si narat "pozzanghera");
- addoviadorzu = "ritrovo" o "luogo di ritrovo";
- acollozidorzu = "reception di albergo";
- tentadorzu = "deposito bagagli di stazione" o "guardaroba di teatro".

Saludos e bivat sa limba sarda - Miale.

[Perdu]

eya, nosu puru eus pensau ki
aparcadroxu siat unu fueddu prus sardu e imbecis cumbenit lassai aparcamentu po s'atzioni

[Michele64]

So cumpretamente de acordu...

"In sa pratza manna de sa bidda s'agatat un'APARCADORZU murtipranta".

"In custu puntu est proibidu s'APARCAMENTU".

Un'àtera possibilidade: pagadorzu = casello.

"In su PAGADORZU de s'autocaminu s'abonat su peazu. S'incarrigadu chi lu còberat si narat peazeri".

Salude e trigu - Miale.

[amsicora]

Pedronaimidda ki mi sticu in mesu de osatrus, deu segu a tressu, ma ollu imparai, ma pueta no si poidi nai :
sala d'aspetto= aposent'e abetu?
si narat aposent'e letu, aposent'e prandi.........pueta no aposent'e abetu?
saludi

[Perdu]

Originally posted by amsicora
Pedronaimidda ki mi sticu in mesu de osatrus, deu segu a tressu, ma ollu imparai, ma pueta no si poidi nai :
sala d'aspetto= aposent'e abetu?
si narat aposent'e letu, aposent'e prandi.........pueta no aposent'e abetu?
saludi

fait a du nai, comenti fait a nai logu 'e aparcai, sa de aparcadroxu o abetadroxu, est una propònnida sceti, cun d-unu fueddu arrennesceus a nai una idea-cosa longa