Milàn..... e i noster Avi....

[eloy]

LA SCIGHERA

L’è quel bel nebbion
ch’el te fa sciopà el coeur
quand t’el vedet;
e l’è un bel vardà
quand che te giret in d’on cantoncin
foeura di port “commerciali” di Milàn
in queij beij sitt sui Navilji.
L’è minga la scighera dei nonni
L’è minga la scighera che la te fa vedè nagott.
L’è la te fa sospirà, de bon,
anca se l’è stada svunciada in tant di ann……
ma tirèmm innanz.
Adess mi me metti chi giò,
e spetti che la vegn de mì
per sussuramm in d’ona orègia
tucc quej regordi, tucc i leggendi,
che la mia cara bèla e vègia Milàn
l’ha semper vedù.
L’è propri vera:
Milàn l’è anmò un gran bel Milàn.


.... E I NOSTER AVI.......

Quant mill de lüss in cà che gh’erenn
Quant tant di oeuc de adess che veden,
sul baldrachin de hier……
quel lamp d’onor che ami
in doe el coeur me porta
ai parent grandi, che se fann montagne
alte, alte
a hinn giovin de bon
a hinn magh
a hinn i miei Avi

[Nanths]

[luigina]

Mè mader
Mè mader dent per dent la barbottava,
che mì seri patii, che seri smòrt,
Mè mader dent per dent la me diseva:
.".te gh'è ona brutta cera..
te tiret tard la sera...

[luigina]

(Ripèti an'mò sta poesia..s'è scancellaa ona part)

Mè mader

Mè mader dent per dent la barbottava,
che mì seri patii, che seri smòrt..
Mè mader dent per dent la me diseva:
"..te gh'è na brutta cera..
te tiret tard la sera.."
Mè mader la rognava, la vosava.
Meè mader, se tossivi, la pativa..
..mè mader..la stufiva.
Adèss la rògna pù, la tas, la vosa pù.
La tas, la parla pù e mì la inzighi..
ghe disi che son smòrt,
che gh'hoo na brutta cera,
perchè foo tard la sera.
Ma lee la tas..la tas
e mì..la ciami.

(Marco Candiani - Paròll in del vent)