¡Faghide mudìmine! D.C. est "traballende pro nois"...

[Michele64]

D.C. (sende chi devimus respetare sa leze subra de sa privatzidade, publicamus petzi sas incumintzadoras) e cumpanzos bonos ant fatu torra sas faìnas issoro...

Su zassu nou issoro, su de su gasi mutidu "Ufitziu de sa limba sarda" (www.uls.it) tenet un'assempru galanu meda, cun unu muntone de tìtulos...

Belle gasi, si andas a bider su chi b'at suta de cussos tìtulos, t'as a abizare chi belle totus sunt boidos, francu pro sa fràsia "Semus traballende pro bois. Totu at a esser prontu pro sa "fine" de ghennarzu de 2.004"...

Bos torramus gràtzias ca sezis "traballende pro nois", ma mi paret chi zai tenzades bastante retardu a cunfrontu de sos tempos... a no esser chi siat su ghennarzu de su 2.104 su chi bos referides bois...

Comente a su sòlitu, devimus rier pro no prangher...

[Perdu]

Originally posted by Michele64
D.C. (sende chi devimus respetare sa leze subra de sa privatzidade, publicamus petzi sas incumintzadoras) e cumpanzos bonos ant fatu torra sas faìnas issoro...

Su zassu nou issoro, su de su gasi mutidu "Ufitziu de sa limba sarda" (www.uls.it) tenet un'assempru galanu meda, cun unu muntone de tìtulos...

Belle gasi, si andas a bider su chi b'at suta de cussos tìtulos, t'as a abizare chi belle totus sunt boidos, francu pro sa fràsia "Semus traballende pro bois. Totu at a esser prontu pro sa "fine" de ghennarzu de 2.004"...

Bos torramus gràtzias ca sezis "traballende pro nois", ma mi paret chi zai tenzades bastante retardu a cunfrontu de sos tempos... a no esser chi siat su ghennarzu de su 2.104 su chi bos referides bois...

Comente a su sòlitu, devimus rier pro no prangher...

deu puru seu abetendi de diora custu "vocabulàriu" ki cuddu jassu d'iat ai dèpiu "publicare" (publicare????? e mi nci bessit s'arrisu....) po s'acabu de gennarju!!!! deu no arrennesçu a cumprendi poit''e ki funti stentendisi', po is normas de sa LSU abàstat a pigai su fueddu italianu e a nci ponni sa -U e su traballu est spaçau!
no serbit mancu a mudai sa fonètiga!!! torru a scriri..........PUBLICARE.......e apu nau totu!!!!!!!
a su "diretore" (fueddu 1000000000% sardu.... ) amentu ki in sardu pubblicare bolit bortau cun IMPRENTARE-IMPRENTAI...toca, po custu cunsillu no mi fatzu mancu pagai...si du fatzu po de badas!!!!

[Michele64]

Como ses tue chi ses esazerende, Perdu istimadu... "publicare" rapresentat un'internatzionalismu e duncas in su sardu modernu de cras pro nois de s'ABLS si podent atzetare ambos duos verbos, "imprentare" e "publicare"...

Saludos e bivat sa limba sarda - Miale Bussu.

[Cristianu]

Non sono molto esperto, quindi aiutatemi a capire: ma questo Ufitziu de sa Limba Sarda si occupa solo della Sardegna Logudorese, o solo della Provincia di Nùoro (dato che nel sito ci si riferisce espressamente a questa provincia)? Se si occupa della Provincia di Nùoro, perchè tutto è in logudorese? E viceversa. O se si occupa della Sardegna Logudorese, dove sta il "Logudoro" vero e proprio (cioè 60% della Provincia di Sassari)?

Grazie!
Cristianu

[amsicora]

Oi apu intendiu in Sardegna 1, cà anti fatu sa limba de mèsania (o cosa de aici), doi fiat unu ki di narant Corongiu, anti nau cà est
su sardu ki si cristionat in mesu de sa Sardinnya..... cument'e nai su de pitzus no si andat beni....su be basçu.....nimancu, intzaras pigaus cussu de mesu........ma candu da acabanta de jogai?
ndi scisi callincuna cosa?
saludi

[Perdu]

Originally posted by Cristianu
Non sono molto esperto, quindi aiutatemi a capire: ma questo Ufitziu de sa Limba Sarda si occupa solo della Sardegna Logudorese, o solo della Provincia di Nùoro (dato che nel sito ci si riferisce espressamente a questa provincia)? Se si occupa della Provincia di Nùoro, perchè tutto è in logudorese? E viceversa. O se si occupa della Sardegna Logudorese, dove sta il "Logudoro" vero e proprio (cioè 60% della Provincia di Sassari)?

Grazie!
Cristianu

insandus, in sa meria de nùgoro umpèranta su sardu imbentau de sa domu de imprenta papiros (ki a pustis est bessiu LSU), ki est unu logudoresu italianisau meda (intra in su jassu de custu ufìtziu e d'as a biri), de su ki sciu deu.
sa genti no est prexada de custa polìtiga, e difatis candu anti postu is carteddus "bene bennidos" is nugoresus dus anti currijus illuegues cun "bene bènnios"
sa cosa leja est ki issus no nant ki custa LSU est logudoresu, ma nant ki est su sardu, e iant a bolli umperai custu standard in totu sa sardinja, innoi puru...e apu nau totu!

[Perdu]

Originally posted by amsicora
Oi apu intendiu in Sardegna 1, cà anti fatu sa limba de mèsania (o cosa de aici), doi fiat unu ki di narant Corongiu, anti nai cà est
su sardu ki si cristionat in mesu de sa Sardinnya..... cument'e nai su de pitzus no si andat beni....su be basçu.....nimancu, intzaras pigaus cussu de mesu........ma candu da acabanta de jogai?
ndi scisi callincuna cosa?
saludi

eya, deu du sciemu de unus cantu 'e mesis ca issu anti cumbidau totu is ki fiant a intr''e is kistionis de sa lìngua sarda po intendi unu parri, candu agatu su dogumentu in s'arretza (du depinti ponni in su jassu www.isardi.net) du pongu innoi puru e aici ndi kistionaus de manera bona

[Perdu]

Originally posted by Michele64
Como ses tue chi ses esazerende, Perdu istimadu... "publicare" rapresentat un'internatzionalismu e duncas in su sardu modernu de cras pro nois de s'ABLS si podent atzetare ambos duos verbos, "imprentare" e "publicare"...

Saludos e bivat sa limba sarda - Miale Bussu.

asumancu faiddu prus sardu! BL no podit esisti in sardu.....iat fonetisendiddu iat a bessiri pubrigare.

[Michele64]

Subra de custu ti dao sa resone, Perdu istimadu... "pubrigare" est una grafia prus sarda...

Torrende a su sardu impreadu dae D.C. e cumpanzos bonos, prus chi esser "italianizadu", si tratat de unu sardu superfitziale subramanera... issos pessant chi pro fagher una limba sarda inditada pro totu sos cuntestos siat bastante a insertare unu nùmeru minore de noulozismos e pro s'abarru a italianizare sintzillamente totu sas paraulas... a dolu mannu sas cosas non sunt gasi sintzillas: Ben Yehuda e cumpanzos pro fagher s'ebràigu modernu ant tentu bisonzu de 50 annos, e pro fraigare unu sardu modernu a beru no nd'ant a esser pretzisos prus pagos...

In onzi manera, comente zai apo postu in craru àteras bias, pessonalmente non lis tenzo zèniu mancu a sos isburronamentos de sos carteddos anzenos... si a cuddas pessones non lis agradaiat "bene bènnidos" e preferiant "bene bènnios", deviant ponner unu carteddu issoro cun cussa iscrita sena imbrutare sos de sos àteros...

De onzi sorte, sos chi si cumportant gasi a bisu meu demustrant chi dant prus importu a sos detàllios chi a s'afortimentu de sa limba sarda...