...
...
Hinn li', coumpagn di martour
da scia' e da la' di straa,
distant di ca', di arbour,
in riva a 'n foss, a 'n praa...
Cont or so co' da sass
sotta d'or sou ra s-cianca,
a 'r frecc, senza scaldass,
lour sa lamentan nanca...
Guardan ra gent ch'a passa,
vedan or temp cambia',
ra nocc che 'r post la lassa
a 'r di' ca dev 'riva'...
Hinn li' parche' ga voeurrann,
ra so' funzioun ga l'hann;
stann li' fina ch'a moeuran
a counsuma' i so ann...
Forsi meritarian
un poo da cumprensioun,
lour sa countentarian
almen d'on attenzioun...
Ma sa ricevan quaicoss
in do 'sto mound villan
l'e' 'na spoudava addoss
o ra pissava d'on can