I Do Mali Ke Xe Drio Cancelare El Veneto E I Veneti

[Der Wehrwolf]

http://www.raixevenete.net/articoli.asp

Tra i tanti malani ke ga le nostre tere ghe ne xe do in particolare ke xe gravi: el numaro grandisimo de foresti ke xe rivai in Veneto da diexe ani a sta parte, e la acelerasion de el proceso de cementificasion del teritorio. Da mesi e mesi i mass media taliani i continua a ripeterne ke le fabrike Venete xe sensa operai e ke sensa foresti extracomunitari o taliani la economia Veneta saria destinà a sarare o comunque a 'ndare in malora; el rajonamento inevitabile ke fa sti opinionisti xe ke no ghemo da lamentarse de sta invasion de foresti, visto ke semo nialtri ke li ciamemo e ke comunque ghemo bisogno de lori. Chi ve scrive se permete de vedare la question in maniera diversa, scomisiando da tre robe fondamentali:
1- xe vero ke na parte dei nostri imprenditori domanda imigrai, ma xe parkè i ga un tipo de produsion a "labour intensive" aretrà e i subise la concorensa dei paesi del'est e del'estremo oriente.
Ste fabrike xe destinae a sarare comunque e pal Veneto xe mejo cusida.
2 - La evolusion tecnologica e l'automasion industriale dei sistemi produtivi porta a manco utiliso de manodopera e le asiende serie, pì pasa el tempo, manco ga bisogno de operai par mantegnere la stesa capacità de produsion.
3 - Se gavemo bisogno de manodopera, ma come ghemo dito xe in gran parte un problema falso, ciamemo indrio i Veneti ke par colpa del colonialismo talian i ga dovuo 'ndare via, par esempio i Veneti del Brasile o dela Argentina. le richieste de sta jente de tornare in Veneto xe un mucio: se trata in particolare de xovani Veneti che in tanti casi i xe boni doparare anca la nostra lengua Veneta e no se capise parkè no scomisiare da qua.
4 - tuti sti foresti i comporta costi sociali e economici pì grandi dei benefici (eventuali) ke gavemo: criminalità, droga, prostitusion, fondametalismi religiosi, terorismo, culture incompatibili xe solo alcuni dei problemi ke sta gente ga portà qua in Veneto.
Xe evidente elora ke de foresti no gavemo bisogno e ke se trata de un disegno politico ciaro e lampro par mandare in malora kel poco de cultura e tradison Venete ke xe rimaste, sostituendole co na società multietnica fata de gheti e de tension rasiali e religiose. Un fenomeno ke xe in parte colegà a quanto dito fin deso xe la cementificasion ke xe drio subire le nostre tere. Sol giro de 30-40 ani el paesagio del Veneto ga subio na trasformasion sensa precedenti, pasando da teritorio agricolo a enorme grumo de case, fabriche, laboratori e campi: anca el comune pì picinin ga la so bea area industriale (capita ke la sia pì granda del paese in question). I contadini xe diventai na specie in via de estinsion soto la protesion del WWF e i campi de tera restai tra le case i ga l'ora segnada: se no xe uncuò sarà doman, ma na bea colada de semento xe el so destin. Ma se na volta le fabriche e gera benedete dala popolasion, ke pativa miserie e fame, adeso ke stemo ben de skei ghe xe finalmente dela gente ke se domanda se xe el caso de continuare so sta strada. In Veneto ghe xe na densità de popolasion ke xe pì de 250 abitanti par km2, in provincia de Venexia semo rivai a 350 abitanti par km2.
Se a sti numari ghe sontemo i foresti ke el governo voria incalcarme, se capise davero ke podemo dire adio a tuto quelo ke xe e xe stà el Veneto. Ma forse la gente xe drio capire almanco in parte ke benesare economico e qualità dela vita no e xe sempre do robe ke va paralele: soi ultimi diese ani afolamento, strada intasae, criminalita', malatie moderne ga pegiorà tantisimo el nostro livelo de vita.
Xe ora de dire basta, xe ora de tacare al confine del Veneto el carteo: “tuto esaurio".

Patrik Riondato

[Il Patriota]

[Il Patriota]

tutti i forumisti sono invitati ad abbonarsi a Raixe Venete!!!!

[Il Patriota]

SOSTENERE L' ETNONAZIONALISMO VENETO!!!!
NEI FATTI CONCRETI : DA QUESTO FORUM ALMENO DIECI ABBONAMENTI NUOVI A RAIXE VENETE!!

[Il Patriota]

http://www.miliziaveneta.com/