A meno che = setzicantu

[Michele64]

Medas pessones chi s'interessant pro sa limba sarda atopant dificurtades pro bortare s'ispressione "a meno che"...

In realidade, sa limba nostra possuit una bortadura perfeta pro custu, est a narrer "setzicantu"...

Non l'apo a retzire, SETZICANTU tenzat su dinare = non intendo riceverlo, a meno che non abbia i soldi

Arternativamente, si podet impreare "a no esser chi"...

A NO ESSER CHI siat istadu Diegu, non cumprendo nudda de custa cosa...

Intames, est assoludamente a evitare "a sa mancu chi", unu de sos italianismos prus iscarados...

[Vincent]

Deu "a meno che" ddu bortu sempir cun su fueddu campidanesu "mancai" e cun su logudoresu "mancari".
Po esempiu, sa frasia "Uscirò più tardi, a meno che non piova" deu dda bortu di ainci: "Deu hap'a bessiri prus a tradu, mancai no proat".
Ma fortzis hapu faddau fintzas a immoi.

[Perdu]

Originally posted by Vincent
Deu "a meno che" ddu bortu sempir cun su fueddu campidanesu "mancai" e cun su logudoresu "mancari".
Po esempiu, sa frasia "Uscirò più tardi, a meno che non piova" deu dda bortu di ainci: "Deu hap'a bessiri prus a tradu, mancai no proat".
Ma fortzis hapu faddau fintzas a immoi.

deu bessu prus a trigadiu, mancai no protzat!

[Michele64]

Sos de s'ABLS impreamus s'ispressione "mancari" pro tramunare s'italianu "sebbene, benché, quantunque"...

"MANCARI eo non sia de su partidu suo, devo recunnoscher chi at naradu carchi cosa de zustu"...

Saludos e bivat sa limba sarda - Miale Bussu.

[SaR]

Originally posted by Perdu
deu bessu prus a trigadiu, mancai no protzat!

trigadìu: Bint'annus ki no du intendia prusu.

Poita parlasa custu dialetu trogloditu?

Oi du eis intendiu Gennarì in sa sua "In sa ruga - Sardinnya Unu"?
Est stetiu "Sbagassau" (Sputanato?) de unu calabresu ki biviara in una tzitadi olandesa impari a medas sardus.
Duncas, issu (su calabresu) umperada unu sardu aici sintzillu de fai sbregungiri meda sardus in Sardinnya puru.
Gennarì simbillàra a un'arrogu 'e merda po is callonadas ki narada.

Gennarì, Il nostro ambasciatore >all'estro<.

Andu a mi imbriagai poita ollu scaresci po crasi.

[Michele64]

Sos de s'ABLS impreamus s'ispressione "a trigadiu" comente arternativa, no comente sustitutu de "a tardu" (chi est un'internatzionalismu, no un'italianismu)...

In prus:

interventu trigadiu = intervento tardivo

nos semus addoviados a un'ora meda trigadia = ci siamo incontrati a un'ora molto tarda

"Trigare a" bortat s'italianu "tardare a":

Sa lìteras trigant a arribare = le lettere tardano ad arrivare.

Saludos a totus sos foreris e bivat sa limba sarda - Miale Bussu.