Pro sa limba pagu contivizu


Mala tempora currunt po sa limba sarda. No semus nois ideàticos ma si paret chi sa chistione siat sèmpere prus fea. Tres simpres fatos de sa campagna eletorale po sa Regione nos si cumbinchent sèmpere de prus de sa timoria nostra. In primis, s’arrejonada ispetziale chi at fatu s’àteru sero Paulu Pillonca, unu de sos mannos de sos autores in limba, in sa trasmissione folcloristica de s’emitente televisiva Sardegna Uno. S’autore de “Chent’annos” at propostu un’apellu e un’amonestu chi, fatu de issu ca est òmine sabiu e mai imbolat paraulas graes po de baddas, faghet pensare a beru. “Si faeddat meda de identitade in custa campagna eletorale – at nadu Pillonca – ma paret chi custu pòpulu sardu de su cale totus faeddant siat mudu>. Comente nàrrere chi sos candidados a sos incarrigos mannos de sa Regione chircant de istraviare s’argumentu de sa limba ca est difitzile, o puru no li dant su cussideru chi meresset. Gasi at fatu unu candidau a sa presidentzia de sa Regione s’àtera die, in d’unu aboju mannu aparitzadu in oros de Casteddu. L’ant fatu preguntas de cada casta, fintzas de sa limba. At respostu a totas sas dimandas, ma a cussa de sa limba nono. Proite? Un’àteru candidadu a sa presidentzia de Villa Devoto, chi nachi est indipendentista, in d’una trasmissione eletorale de Videolina, gasi at respostu a chie li dimandaiat proite faeddaiat in italianu. <La questione della lingua non è fondamentale. Sono sessanta anni che gli esperti non si mettono d’accordo. La lingua non è garanzia di coscienza nazionale, infatti ci sono persone che parlano benissimo il sardo ma votano per Forza Italia e Alleanza Nazionale. L’importante è capirsi>. E pro oje tancamus s’artìculu sena prus cummentos pro ca non bi nd’at bisonzu, e semus fintzas iscorados in s’ànimu pro sa paga cumpetentzia de sos polìticos nostros.

http://www.sotziulimbasarda.net/eletziones.htm

.................................................. .................................................. ....



Cherio arresponde a custu iscritore anonimu de su Sotziulimba. Tenede arresone (pro a mie) ki ada naradu "La questione della lingua non è fondamentale... "(biada ki ada a esse pois...) comente b'est iscrittu in pizzu.
Sa chistione fondamentale, si faeddamos de politica, est ki sos sardos dezidana issos itotu cale politica e sa limba seberare e ki no depanna pidire in su e montecitorio su recattu ki est abarrau in sa mesa a pustis ki su mere a mandigadu....

Sos de Sotziulimba ki iscriene de esse indipendentes de sa politica a mie parene ki suntis cun soru , omine ki no appo biu nende mancu una paraula in sardu, tando: primu e faeddare male de sos ateros munda s'apposentu tuu ka est prus brutu...


bois sezis iscridinde una littera a sos senatores italianos: abbaidiae a no si d'iscriere in sardu puitte si ke ponente a irriere... comente meda continentales ki juigana macos sos sardos ki faeddana sa limba issoro.

a sa prossima orta....

L