TEMPI DURI PAI DISCOTECARI: ALE NOVE DE SERA TUTI IN LETO!


LE BRONSE QUERTE

Se prevede tenpi duri pai tosi discotecari. El ministro dele discoteche nol schersa: "Tute le "stÓe da balo" gÓ da sarÓre massimo ale nove de sera e po' tuti in leto!". In sto modo se spera de incrementare anca le nassite. Me pare de sentire le racomandassi˛n del pare al toso che porta fora la morosa a balere: "Me raccomando portare casa la tosa ale diese in punto!"; "Nol staga preocuparse, par˛n, se no bato ciodo fra diese minuti a ze zÓ casa!" Ma no ze finýo qua: ze alo studio anca altri provedimenti par regolarizare la vita noturna. Tanto par scuminsiare, le cubiste gÓ da essare magre come maneghi de sc˛a, tre quatro talie in manco de quee de desso e questo, se capisse, ze par evitare le "curve pericolose". Dove che se fa musica dal vivo, podarÓ sonÓre solo conplessi poco rumorosi e ze in arivo, anca parfýn, la novitÓ del karaoke par sordomuti. Prima de entrare in sala da balo bisognerÓ assare z˛ le scarpe in guardaroba e 'ndare in pista con aposite patine de peltro. Nel caso de che i te ferma la stradale parchŔ te guidi inbriago spolpo, oltre al ritiro dela patente, la stradale te sbuzarÓ tute quatro le rode dela machina. SarÓ introdoto el conceto del pari e dispari nele discoteche: nei giorni pari podarÓ andare a balare i masci e, nei giorni dispari, le femene. Par evitare le stragi del sabo de sera, le discoteche vegnarÓ verte tuti i giorni dela setimana escluso el sabo! Se le discoteche ga da sarÓre ale ventiuno anca tuti staltri locali: pub, birarie, ostarýe, bÓcari, par la lege dela par condicio, gÓ da sarÓre ale ventid˛. Fa ecessi˛n alcune ativitÓ che invesse le se presta a prolungare l'orario anca par tuta la note tipo: le laterýe, i ufici postÓi e i feramenta. Secondo un sondaggio fato dal governo solo l'un percento no ze dacordo. La rilevassione ze sta fata su un canpion de popolassione matura con na etÓ conpresa tra i 94 e i 107 ani e de zovani tra i 4 e i 8 ani.