comenti bortaus "fra 7 giorni" in sardu???

[Perdu]

cun:
oi otu!
ki bollu nai lunedì prossimo, e oi est lunis, depu nai....oi otu, ca in sardu contaus custu lunis puru!
e ki bollu bortai sabato prossimo (no custu ma s'atru) naraus, sàbudu otu, e aici nendi! bella manera a no??

[Michele64]

Nois impreamus siat "oe a otu", siat "intro de sete dies"...

"In intro de sete dies" intames currespondet a s'italianu "entro sette giorni"...

[amsicora]

Originally posted by Perdu
cun:
oi otu!
ki bollu nai lunedì prossimo, e oi est lunis, depu nai....oi otu, ca in sardu contaus custu lunis puru!
e ki bollu bortai sabato prossimo (no custu ma s'atru) naraus, sàbudu otu, e aici nendi! bella manera a no??

nosu puru naraus de aici.
saludi

[su stori]

Originally posted by Michele64
Nois impreamus siat "oe a otu" ...

mmhh ... esti cussa "a" stichia in mesu chi no mi torrat ... nosu puru naraus "oi otu" ... chentza de cussa "a", ca no si cumprendit ita doi fait

a si biri
su stori

[Michele64]

Si podet ponner o dassare sena posta, cunforme a s'issèberu lìberu de su locudore... nois preferimus a la ponner...

[Doloverre]

In logudoresu ....... una kida a oe.

In sassaresu ......... una Keda a oggi.


a nos intender sanos.

[su stori]

Originally posted by Michele64
Si podet ponner o dassare sena posta, cunforme a s'issèberu lìberu de su locudore... nois preferimus a la ponner...

Balla, cussu fitzixeddu de nai nois candu ses tui sceti, du tenis sempri!
Ma it'iat a bolli nai "oi a otu"?
Chi m'iast nau "otu (disi) a oi" a su mancu iat ai tentu unu sentidu, ma "oi a otu" no fait: a mi d'as intèndiu?

a si biri
su stori

[Michele64]

Sos de s'ABLS tenimus sas règulas nostras e las sighimus, est craru chi tue podes iscrier comente cherzas... non mi paret su tantu de briare pro neghe de una "a" o de una paraula posta a s'incumintzu o a s'agabu de sa fràsia, custu diat petzi fagher rier a sos inimigos de sa limba sarda e creo chi zai apant rììdu bastante...

Unu saludu - Miale Bussu.

[su stori]

Originally posted by Michele64
Sos de s'ABLS tenimus sas règulas ... non mi paret su tantu de briare pro neghe de una "a" ...

Me innoi no ci at nemus brighendi ... deu t'apu sceti preguntau:

- ita doi fadiat cussa "a"
- a mi d'iast intèndiu "oi a otu"

No as torrau sceda a manc'una de is domandas. No seus chistionendi de sardu chi at a benni, ma de sardu chi s'agatat giai: duncas cussa "a" no esti chen'e importu. Unu contu est a du nai tui, un'atru esti chi du nanta in calincunu logu in Sardigna.

a si biri
su stori

[PRAETORIANVS]

Primu de tottu kelzo saludare tottu su forum, ca so un utente nou, difatti mi so iscrittu s'atteru die; poi pro cantu riguardat s'argumentu "tra 7 giorni" bos potto narrere ki in sa zona mia in logudoresu naramus "otto a hoe" oppuru "intre sette dies"

saludos a tottu e a sa prossima