"baxica" e "paiscė"

[su stori]

In lōgusu meda nanta custus dus fueddus:

1 - baxica. Chi esti unu fueddu chi ndi benit de "bai e circa" e du nanta cun meda sentidus ("chini du scidi", "forsis", ..)

2 - paiscė. Chi ndi calat de "d'apa isciri", e custu puru tenit sentidus diferentis sigundu su cuntestu a mi s'agatat

Dus connosceis?

a si biri
su stori

[SaR]

Originally posted by su stori
In lōgusu meda nanta custus dus fueddus:

1 - baxica. Chi esti unu fueddu chi ndi benit de "bai e circa" e du nanta cun meda sentidus ("chini du scidi", "forsis", ..)

2 - paiscė. Chi ndi calat de "d'apa isciri", e custu puru tenit sentidus diferentis sigundu su cuntestu a mi s'agatat

Dus connosceis?

a si biri
su stori

Saludi Su Stori,

Po mei baxica tenit su sentidu de "forsis = Olis bi' ki .... ".

Efis no est in domu. Baxica/Olis bi' ki ....... est jai andau a traballai.

Mi parrit de arregordai di-aici.

[Michele64]

"Bae e chirca" nois l'impreamus unu muntone...

Māriu est moidu BAE E CHIRCA pro ue = Mario č partito per chissā dove.

[su stori]

Originally posted by Michele64
Māriu est moidu BAE E CHIRCA pro ue = Mario č partito per chissā dove.

Scis it'esti chi no mi torrat? Esti su logu me innoi d'asi stichiu cussu "bae e chirca" (e no mi praxit mancu cussu "moidu pro ue", ma cussa est un'atra chistioni).
Deu sa frāsia d'apessi posta diaici:
- Bae e chirca pro ue est moidu Māriu

a si biri
su stori

[Michele64]

Est normale chi a tie medas cosas ti parzant istranas limitadu comente ses... una limba chi si respetet tenet paritzas maneras de narrer sa matessi cosa e finas ōrdines diferentes... "Māriu est moidu bae e chirca pro ue" est una frāsia curreta curreta chi totus impreant e chi s'utilizat in totu sas limbas...

Comente a s'avesu, ses capatzu petzi de provocare, mai de fraigare...

[su stori]

Originally posted by Michele64
... una limba chi si respetet tenet paritzas maneras de narrer sa matessi cosa e finas ōrdines diferentes...

Ei ... perou doi funti maneras de ponni is fueddus in sa frāsia chi funti caraterėsticas de donnia lėngua ..

Originally posted by Michele64
"Māriu est moidu bae e chirca pro ue" est una frāsia curreta curreta chi totus impreant e chi s'utilizat in totu sas limbas...

Su chi "d'impreant in totu sas limbas" pagu si nd'importat. Cussa frāsia (Mario č andato chissā dove) torrat beni in italianu: custu č siguru. E' cun su sardu e cun su fueddu "baxica" chi no torrant is contus, "baxica" du imperant sempri a s'inghitzu de sa frāsia:
- baxica a mi est andau Peppi (chissā dov'č andato Peppino) e no
- Peppi est andau baxica po aundi (Peppino č andato chissā per dove)
Castiendi is duas frāsias a pari, sėada in sardu sėada in italianu, si bė luegus call'e' su costrutu sardu.
Seu circhendi de m'arragodai cųncua frāsia aundi "baxica" no du ponint a s'inghitzu: no nd'agatu manc'una, francu chi ndi fųrriu in sardu cancuna frāsia de s'italianu.

a si biri
su stori

[Michele64]

Unu ziornalista de sa telebisura at a narrer semper "Māriu est moidu bae e chirca pro ue", mai "Bae e chirca pro ue est moidu Māriu"...

Una forma che sa segunda est arresonadera e non podet tenner carātere iscrusivu, in peruna limba...

[su stori]

Originally posted by Michele64
Unu ziornalista de sa telebisura at a narrer semper "Māriu est moidu bae e chirca pro ue", mai "Bae e chirca pro ue est moidu Māriu"...

Chi e' po cussu, su giornalista no iat a nai ni s'unu ni s'atru. Su fatu e' chi me innoi seus chistionendi de cumenti fait su sardu e no unu giornalista chi furriat s'italianu a sa sarda

a si biri
su stori

[Lutzianu]

bai e cricca ?

tando :
A: seo criccande de azzapare cussu ditzionariu bezzu ki appio biu in d'una domo una pariga de annos a como..

b: bai e cricca cale fiada.....
------------------------------------------------------------------------------------

bai e cricca cante zente oe ada a tenne sa telebisura biancu e nieddu...

paiscė o appoaischire tottuataccau o paischire est naradu meda in bidda mia.

paischire no teni su matessi sinnificadu de "de appo a ischire", est naradu in situaziones differentes...

paischire ite bellu viazzu amos a faghere... ki si podede tamunare cun s'italianu "chissā" o cun s'ingresu "what" in custos casos...


L

[Michele64]

Originally posted by su stori
Chi e' po cussu, su giornalista no iat a nai ni s'unu ni s'atru. Su fatu e' chi me innoi seus chistionendi de cumenti fait su sardu e no unu giornalista chi furriat s'italianu a sa sarda

a si biri
su stori

Est inųtile, no nos cumprendemus e no nos amus a cumprender mai... su chi non mi ponet perunu pessamentu essende chistione de calicunu sena importu che tue...