Pro Doloverre: de acordu, currèu = posta

[Michele64]

Eris a sero sos de s'ABLS amus tènnidu sa reunione nostra avesale mesile.

Custa bia amus isseberadu Ìmula comente logu de addòviu.

Fiamus prus de trinta pessones. Amus incumintzadu sos traballos a sas noe e amus agabadu a sas tres de su manzanu.

Naturarmente, amus tratadu unu muntone de aspetos e chistiones.

Amus cussideradu puru su problema de sa bortadura in sardu de sa paraula "posta" e nche semus cròmpidos
a su cuncruimentu chi efetivamente est mezus a narrer "currèu".

Duncas:

Su currèu mannu = la posta centrale

Pro tramunare "corriere" nos semus sàpidos chi est mezus a utilizare "missaderi" (si est
sa pessone) o "missaderia" (si est s'impresa).

Saludos a Doloverre e a totu sos àteros foreris - Miale Bussu.

[Doloverre]

Salude a tie Miali, tandho sigo in sa bortadura ponzende "curreu",

posta elettronica = curreu eletronicu = e-mail

apo idu ki gai ana detzisu puru sos Ispanniolos.

A cando a iscrier : e-curreu ??? o semus currende tropu ?


Avvidetzi sani.

[Michele64]

Comente acurtziadura pro "currèu eletrònigu" eo dia impreare prus a prestu "c.e." o puru "curr.el."...

In onzi manera, abarrat malu a agatare una paraula diferente dae "posteri" pro sa pessone chi batit su currèu, gasi comente un'azetivu diferente dae "postale" o "postencu"...

Lista de currèu = fermo posta.

Saludos de coro a totus - Miale.

[Perdu]

curr. el.
est bonu meda...
po nai, FAQ nosu d'eus incurtzau cun PPF (preguntas prus fitianas)