Iscirradorza = cirradroxa = cāvuna ?

[su stori]

Originally posted by Antoneddu
.... Iaiu maniza seper custu foeddu "ISCIRRADORZA"calicunu m'ichid narrer ite kere narrer....

Ma, di aici fora de unu cuntestu, e' sceti un'idea ... comuncas su fueddu assimbillat a su fueddu "cirradroxa". Sa cirradroxa creu chi siat sa "cāvuna" (du scis it'e' sa cāvuna? Esti sa chi imperaus in milla maneras, po esčmpiu da imperaus po andai a su satu a segai linna bella po fogu: modditzi prus chi atru), chi esti una "roncola" a mānigu longu.
O Antoneddu ... lā chi e' sceti una possibilidadi chi m'est acucada po s'assimbillāntzia de "iscirradorza" cun "cirradroxa". Ma cand'esti chi iaiu tuu du narat? Narasė cųncua frāsia.

a si biri
su stori

[Antoneddu]

Originally posted by su stori
Ma, di aici fora de unu cuntestu, e' sceti un'idea ... comuncas su fueddu assimbillat a su fueddu "cirradroxa". Sa cirradroxa creu chi siat sa "cāvuna" (du scis it'e' sa cāvuna? Esti sa chi imperaus in milla maneras, po esčmpiu da imperaus po andai a su satu a segai linna bella po fogu: modditzi prus chi atru), chi esti una "roncola" a mānigu longu.
O Antoneddu ... lā chi e' sceti una possibilidadi chi m'est acucada po s'assimbillāntzia de "iscirradorza" cun "cirradroxa". Ma cand'esti chi iaiu tuu du narat? Narasė cųncua frāsia.

a si biri
su stori

Du sciei ita esti, bobia bi ki callincunu du scieda.

Iskirradorza = Cavunedda a maiga crutza
Teisi arrexoi est'u cavunedda a maiga crutza, ki srebidi po serrai i jassusu cu naisi de pirastu, pruixedda, ma si manixada po fai atras cosasa puru.
Iaiu da teniada sempri avatu candu bessiada a su satu.

salludi
Antoneddu

[su stori]

Originally posted by Antoneddu
... Iaiu da teniada sempri avatu candu bessiada a su satu .....

Ma chi Aiaiu nara' "iscirradorza" (o "iskirradorza" cumenti as nau custa sigundu ota), insandus depiat essi cabesusesu: de a mi esti nonnu tu'?

a si biri
su stori

[sisinni pabi]

Antoneddu,

me' in su mes''e Austu Iaiu tuu andāt a scirrai is giuabis de sermentu de sa bingia (a 'ndi ddi segai is puntas de is nais e is pillonatzus chi intzeurrānt in fundu de su truncu). Cumenti has nau tui, perou, scirrānt puru is cannas, is cresuras, etc.

A scirrai, calincunu ddu fait ondė puru, si andāt e si andat cun sa cirradroxa (su fueddu benit de scirrai).

Si ses de Logudoro o Nugoresu, furria "(s)cirrai" e "cirradroxa" cun "ischirrare" e "ischirradorza".

Adiosu a totus.

[su stori]

Originally posted by PERANTONI
... andāt a scirrai is giuabis de sermentu de sa bingia (a 'ndi ddi segai is puntas de is nais e is pillonatzus chi intzeurrānt in fundu de su truncu)....

Eiei, o Perantoni, scumitu chi tui as tentu e, incapas, tenis ancora cųncua bingixedda, annō?! Lā ca, chi e' di aici, candu fadeis su binu nou, m'aspetu di essi cumbidau a ndi tastai ...

a si biri
su stori

[Antoneddu]

Originally posted by su stori
Ma chi Aiaiu nara' "iscirradorza" (o "iskirradorza" cumenti as nau custa sigundu ota), insandus depiat essi cabesusesu: de a mi esti nonnu tu'?

a si biri
su stori

Iaiu esti de su Barigadu
E su fuedu esti Iskirradorza

Grzias a iaius miusu, apu tentu sa fortuna de fuedai sia su Campidanesu ki su Logudoresu.

Salludi
Antoneddu

[Antoneddu]

Originally posted by PERANTONI
Antoneddu,

me' in su mes''e Austu Iaiu tuu andāt a scirrai is giuabis de sermentu de sa bingia (a 'ndi ddi segai is puntas de is nais e is pillonatzus chi intzeurrānt in fundu de su truncu). Cumenti has nau tui, perou, scirrānt puru is cannas, is cresuras, etc.

A scirrai, calincunu ddu fait ondė puru, si andāt e si andat cun sa cirradroxa (su fueddu benit de scirrai).

Si ses de Logudoro o Nugoresu, furria "(s)cirrai" e "cirradroxa" cun "ischirrare" e "ischirradorza".

Adiosu a totus.

Cuss'arratze cavuna in bidda de iaiu da tenianta sempri avatu acoment'e s'arresoia e sa betua.
Fadiada pati de is strepusu de tutus is ki bessianta a su satu.

Salludi
Antoneddu

[sisinni pabi]

O su stori,

de bingias hiaus acostumau a 'ndi teni' medas e deu seu nasciu e pesau me' in mesu 'e cobidinas, cuponis, carradas e carradeddas. Candu is carradeddas no fadiant prus su binu bellu, dd'has pretziaus in duas e bessiant duus cubeddus (po torrai a-i cudd'atera chistioni chi has bogau po su chi pertocat a su tzuccuru a pedra) chi 'mperiaus po sa vexi o po poniri asutt''e su canabeddu de sa prentza po arregoliri su mustu de sa prentzadura. Cubeddu in aterus logus, perou, acostumant a du 'mperai puru po nai "carradedda"(o s'unu e-i s'ateru).

Oindė tengiu duus o tres fundus 'e sermentu vetti, me' in s'otu, e fatuvatu ddus depu scirrai poita ca bogant pertias longas meda chi 'nci 'essint a domu de su bixinu.

In bonora.

[su stori]

Originally posted by PERANTONI
.. Oindė tengiu duus o tres fundus 'e sermentu vetti, me' in s'otu, e fatuvatu ddus depu scirrai poita ca bogant pertias longas meda chi 'nci 'essint a domu de su bixinu...

Cumenti dus tenis, a fundu, o a carriadroxa (spalliera)? O est un'imbragu (unu stabi)?

su stori

[sisinni pabi]

Originally posted by su stori
Cumenti dus tenis, a fundu, o a carriadroxa (spalliera)? O est un'imbragu (unu stabi)?

su stori

Hapu tressau un'umbragu po s'istadiali. Me' in bingia, is axias po su 'inu biancu dd'has teniaus a carriadroxa, cussas po su 'inu nieddu a mattixedda (po s'axia niedda no si fadiant carriadroxas
e pudonis, ma pudonis vetti cun tres o quatturu ogus).

Adiosu.


P.S.: si depis nai ca andas a cirrai is cresuras anant''e domu, no nerist ca pigas sa "defogliatrice" (fogu, 'ta legiu chi est!) ma sa "cirradroxa a currenti" o "a eletricu").