A. GRAMSCI E SA LIMBA "Speru chi dd'heis a lassai a chistionai su sardu"

[sisinni pabi]

Torradura in sardu de sa littera de A. Gramsci a sa sorri sua Teresica, 26 de Mratzu 1927.

Circai de dda liggi totu, fintzas in fundu.


Teresica istimada,

m'hant 'onau pagu diis fait sa littera chi m'hiast mandau a Ustica anca ddoi hiast postu sa fotografia de Francu. Aici hapu potziu bì su pipieddu tuu e ti fatzu augurius meda; m'has a mandai, berus est?, sa fotografia de Mimì puru e aici hap'essi' propriu prexau. Mi parit chi Francu, biendiddu in fotografia, no hapat armentau a s'aredeu nostu: assimbillat incapas a Paulu e a s'aredeu suu campidanesu e incapas maurreddinu. e Mimì a chini assimbillat? Mi depis iscrì cosas medas de is pipius tuus, si tenis tempus, o a su mancu faimì iscrì de Cralu o de Gratzietta. Francu mi parit chi siat abbistu meda: hat a chistionai giai beni immoi. Cal'est sa limba chi fueddat? Speru chi dd'heis a lassai a chistionai su sardu e no dd'heis a donai disprexeris po custu. Est stetiu unu mali, po mimi, no hai lassau chi Edmea, candu fiat pittichedda, hessit chistionau in sardu coment''e is aterus. Custu est stetiu prus unu mali che unu beni e hat postu una camisa 'e fortza a sa fantasia sua. No depis fai custu sballiu cun is pipius tuus. Su sardu, intretantu no est unu dialettu, ma una limba po contu suu, mancai no siat arricca sa litteratura sua i est unu beni chi is pipius imparint prus 'e una limba, si si podit. S'italianu chi dd'heis a imparai, hat essi' una limba pobera, strupiada, fatta vetti de cuddus pagus fueddus chi heis a chistionai cun issu, chi si chistionant cun is pipius; issu hat a abarrai foras de su mundu e hat a imparai unu pagheddu de fueddus sardus e unu pagheddu de italianus ma mancuna limba: pagus fueddus italianus po candu chistionat cun 'osaterus e unu pagheddu de sardus, imparaus a spitzulus e bucconis, po chistionai cun is aterus pipius e cun sa genti chi attobiat pe-i bia o in pratz''e cresia. Castia là, ti ddu naru propriu de coru, no fatzast cussu sballiu e lassa chi is pipius tuus succint totu su sardismu chi 'olint e chi si pesint lierus in su logu anca sunt nascius: custu no hat essi' unu mali po s'incras insoru, antzis.

Ita 'ndi pentzais?

Adiosu

[Janluca]

Esti stravanada meda

[Lutzianu]

Bella!!!

[nurdarios]

bella meda de aberu!!

custas cosa subra de Gramsci no las narant... bo?

[Perdu]

Originally posted by Tomatito
bella meda de aberu!!

custas cosa subra de Gramsci no las narant... bo?

la', eus fatu un'atòbiu puru apitz''e custa cosa!!!!!!

http://www.comitau.org/gramsci_sardu.pdf
http://www.comitau.org//Mangaras/arr...ioni_sarda.jpg
http://www.isardi.net/dettaglio.asp?IDnews=1005
http://www.comitau.org//Mangaras/arr...il_corsivo.jpg

est stètiu unu sucessu mannu est bennia unu muntoni 'e genti

[nurdarios]

o pè, sa frase mia no fit dereta a tie... ma a cussos ki si ponent sa foto de gramsci a desegus de sa catedra e parent sos pius reatzionarios in cantu a cosas sardas, limba e ateru...
saludos