...Condaghe de Santv Perdv De Isvezia

[juanna maria]

...prossimamente...si non mi lu censuras

[Perdu]

Originally posted by juanna maria



...prossimamente...si non mi lu censuras

ma ses maca!!!!!
ayò faiddu ki si fais arriri a totus!!!!!

[Cristianu]

[juanna maria]

Originally posted by Cristianu

...in conca ya b'est tocat de lu iscriere...però est not spot...duncas...bi devene istare sos personggi!

[cràudiu]

toca ponimì intr''e is personajus ca nci seu deu puru.. at a bessiri unu bellu cundaxi..

[juanna maria]

…cuentu …s’urtimu Condache et kerta est istata atta in Korsica sorre de Sardigna nostra…e su Juike et sa Badissa son torratos tottu eccitatos

..su Juike donzi sero in daennatis sa ziminea..si poniat a contare e sos vonos omines ascurtaina…
…e tanno sos corsos frates nostros ana picatu sa nave et ana nattu …est sa nostra! …e ana inghiriatu Sardigna nostra pro sette vias…e canno carchi vonu omine femina naraiat…bi kejo enner jeo pure los achiana arziare in sa nave..

e unu vonu omine natta…su Jù…ma eris azes nattu chi ana inghiriatu Sardigna nostra tres vias…e janteris mancu una via..
….eh! chi non fachet nudda!...su contu justu ya l’atta iscrittu sa Badissa..inoche però conto jeo…e jeo canno conto bi ponzo su chi mi paret…li torrat su Juike…

e sichit…e canno sos ennitos sos inimicos dae kelu…sos balentes corsos los ana picatos a pretas…e ne an falatu 200 …un’attaccu a kudda manera!

…su Jù…li torrat s’omine de prima…ma non fini de mancu?...

…beh! ascù..tanno conta tue…

in su Kumbentu…sa Badissa itti contanne a sas monzas …de s’”avventura” in Corsica…e de sas balentias de sas eminas de cussa terra…e tanno tottu sas feminas ana nattu…e como bastat!...e in cussa terra non b’atta apitu niune chi non appat nattu…e como bastat!..e sas monzas cuntentas a bucca aberta ascurtanne su contu ….

…kolat karki die…ki tocan a sa janna de su cumbentu…sa Badì! Mì…chi su Juike atta nattu chi cras b’atta kerta…vattutte papiru et pinna…

e sa Badissa…eja!

…et s’incras…in sutta de s’unnu semper konnottv tottv sas vonas eminas et sos vonos omines seitos a pedes ruke….metta ya los connoschimus ka sono da kerta in kerta…ma kusta via in prima riga si b’est postu su vonv omine Kraudieddv ka atta nattv ki sv kondaxi eniat menzus…

…s’intennet una oke de emina e una de omine…sono braianne..tantu pro kambiare!
itte raju b’atta! natta su Juike

…su Jù…kuste omine m’atta appedikatu….e s’omine risponnet…ma itte appedikatu! …ses tue ki is in mesu kaminu!...
e kuste vonv omine est Sosurtù de sos Kibolanainsasagheraslimpias…

su Juike…non s’est kumpresu si itti cuntentu …ma l’ana istu ponennesi sas manos in konca…

…a caddu ispressu s’accurziata a sa Badissa e li datta …basittos …e karki unu et una atta nattu…ma abbaita! Kuste aket komente li paret…

e sa Badissa…ellò …bannitanne izis…donnv Sosurtù!
Et isse…prus o mancu…ippo achenne turismo naturale in Sardigna nostra…ma so ennitu pro narrere ki…

Assettate…

Condaghe de Sanctv Perdv de Isvetzia

…jeo Juannikilla Badissa dessos Kumbentos Nostros de sv Rennv pro s’onore de su Sanctv ki ana fattv in Isvetzia …ponzo manos a kustu Kondake pro sa memoria nostra

Kerta:
…sikite vonu omine
…e su vonu omine sikit
…KI b’atta unu omine…su vonu..non bi lu iscrietas…ka si nono ti sikko sa manu…Juannè!...unu patriottv ..ma non fakko sv numene (ma cuminzat ki sa P…poi sikit ki sa E…e sa littera de tres est ERRE, sa de battor est sa D…et s’urtima sa V…est de sos de S’arreiga de Sex-tv, natta ki est mastrv de limba…est kene pilos, paret unu maurreddv e juchet ocros nieddos ke su karvone…et l’ana istu kin una tassa in manos)…ki est annanne a Isvetzia cartatu e bestitv da italianu…nanne ki est de kussu istazu de talianota ….ka si nono non bi la dana…e kusta kosa l’appo intesa kin sas orikras meas in una piazza…ka l’appo istu faeddanne kin zente oristera

…umh! …natta su Juike…ki s’est istinne estimenta non nostra non mi piaghet…ma itte b’atta de malu si keret annare a Isvetzia?...ma itte est Isvetzia…carchi istazzv de Kampidanu?…sa Badì…non l’appo mai intesa kusta idda…

…e su Donnikellu..abbistv et ischitv..natta ..su Jù…est una terra metta innedda orar de Sardigna nostra…paret ki b’atta sardanas incue pure

…e su Juike…terminamila kin kustos Sardanas…!
..tanno torramus a sa kestione..custu vonu omine…e su vonv …sa Badì ponebilu…est annanne a kusta Isvetzia…estitu kin estimenta istranza….

e torrat …su vonu omine Sosurtù…eja!...nanne ki non est sardv…ka si nono sas feminas non bi la dana!
…umh!...KOMENTE non bi la dana!...e itte si credene?...bella zenia ki ana esser…ellò goi si aket a sos istranzos!

…s’intennet karki iscakaju dae mesus de sa zente…poi duos…e forzis vinzas tres…

…e su Juike…ellò de ridere b’atta !...sas usanzias…sv konnottv nostrv sono kustas!

…poi sikit karki atteru iskakaju…e su Juike s’abbaitata sa Badissa …e li dimannat…ma itte est kusta cosa ki non keren dare kussas feminas?

…et sa Badissa ki non isckiat komente li intrare…et de sv Donnikellv non ne faeddemas…ruju ke braja..

ma karki emina…de cussas ki narana ki sono surdas…ma intennene donzi pispinzu..natta…
sv Jù! Kudda kosa!

un’attera vona emina…in bidda li namus…..un’atteru vonu omine…in bidda mea li namus…..nois li namus…e nois li namus goi…e nois gai…
sa cosa est duratta duas oras ….e su Donnikellu picanne appunti…

…e su Juike…ki non atta kumpresv galu itte raju itti…non ischit a kale ala abbaitare
..e tanno unu vonv omine…su Jù! Kvddv arrejonv!

…Raju! komo appo kumpresv!

…tanno kramat su vonv omine Perdv…e li dimannat…vonu omine askù…ma…ma …bisonzu b’atta de ‘nke annare a su korru de s’unkinu?...ma istu as ..itte bellas pizzoccas ki b’atta in Sardigna nostra…et su vonv omine…eja! sv Jù!...
…ma kale est sv problema…non rimorkias?…ma a b’iskis facher?...ma dimannatu /dimannata bi l’as a karchi vona emina?...

…e una emina dae mesus…a mie non atta petitu nudda !…et un’attera …a mie nemmancu su Jù !
et un’attera …a mie mi abbaitata ke kasticatu ma non narat nudda! et un’attera su Jù l’appo istu impostatu in palar de sa janna…ma non narat nudda! …et tottu sas vakkinas narana carchi cosa..

tanno s’arricat su vonu omine Perdu et natta…su Jù…non est veru! a kussa vona emina bi l’appo petita e m’atta datu una iscartulata…cuss’attera matta secatu unu pratu in conca…s’attera m’atta ghettatu abba dae su barcore…kussa m’inche atta ghettatu dae caddu…kuss’attera m’atta alligatu sos canes fonnesos…idenne sezis…comente jucco sa carena..m’ana istropiatu!...e mustrat sos bicipites..tottu mossicratos…e prenu de kentu ertas…

…e su Juike..beh ! vonu omine ..bos cumprenno…sas feminas nostras…sono unu pakeddv diffiziles …ma si las picas vene…non est comente potes creder..

beh! Pesso ki su vonu omine potet annare in Isvetzia a cambiare aghera …ma estitu dae sardu e nanne ki sardu est…si isco ki gai non atta fattu li trunco sos pedes!

..et gai siat!

Sa kerta init inoke..

ma a pustis de duas kittas…ghirat su vonu omine…o su mesus de su chi itti su vonv omine…e jukiat unu zirollu de luke in supra sa konca…e in una die tottu ischiana in Sardigna…ki itti ghiratu…e su Juike lu cramat…e non potiat mancare sa Badissa…
..ellò! non t’ana fattu mannicare!...mancu t’ippo konnoschenne!...nara komente est annata!...
..et isse …boh! …m’ana atta santu!...una kitta intrea su Jù!...
Raju! …li torrat su Juike..e santu t’an fattu?
Eja! su Jù…ka narana ki appo attu miraculos…..
Ellò itte miraculos azes fattu?...dimannat su Juike
…boh! no non l’appo cumpresv vene ca non faeddo sa limba issoro….

et sa Badissa nostra s’inke annat…ca non b’itti godinne…ma in su caminu…in metta eminas la firmanas…e li dimannana…ma est veru ki l’ana fattv santv in Isvetzia…e ki itti una kitta…
gai natta! li torrata sa Badissa a sas feminas
ghirata a sv kumbentv …e tottu sas monzas…ma abberu est sa Badì…ki su vonu omine Perdu …itti una kitta….e ki l’an fattu santu…?

…vois puru? Bos bi ponites?...akabatemila kin kustas kosas…istrempat sa janna e s’inche torrata a sa idda…e sutta sa domo de su Juike…unu muntone de eminas chin cannelas in manos….ki naraina Santv Perdv..Santv Perdv…

e a santu Perdu sas ancas li tremiana…su Jù…ajuatemi ! ajuatemi!..bastat eminas!
e su Juike…eni chin mecus…e ’nche l’achet essire a fura dae sa domo a caddu..

…de santu Perdu non s’inne atta ischitu prus nudda…pro non faeddare de miraculos…ka inoke non ne atta fattu perunu...gai narana sas feminas nostras …

arranzatebos!

[juanna maria]

PERDU...PRUITTE NON LU POTTO CANELLARE?...A BI SES?...O SES IN iSVETZIA?

[Gadduresu]

Scuseti la me ignuranza, podarìati spiegammi, s'idd'eti tempu, di cosa si tratta chistru scrittu inviatu da juanna maria?
Ben chjaru, no' vi dummandu di traducì nudda, ci mancarìa ma spiegammi pressappocu la chistioni m'agghjutarìa a cumprindì meddu tuttu.


Vi ringrazigghjiu, saluti

[Cristianu]

Originally posted by juanna maria
PERDU...PRUITTE NON LU POTTO CANELLARE?...A BI SES?...O SES IN iSVETZIA?

Eya est bandau oi su cagalloni...

Deu puru no arrenesçu prus a editai is missadas a pustis ki funt passau noixentus minutus. .. bàh...

[Cristianu]

Originally posted by Gadduresu
Scuseti la me ignuranza, podarìati spiegammi, s'idd'eti tempu, di cosa si tratta chistru scrittu inviatu da juanna maria?
Ben chjaru, no' vi dummandu di traducì nudda, ci mancarìa ma spiegammi pressappocu la chistioni m'agghjutarìa a cumprindì meddu tuttu.


Vi ringrazigghjiu, saluti

O Gaddurè s'è ùn ti piaci pigghjà u mali nant'à testa, hè megliu chì ùn ti ligessi quista "opera" di a Badissa noscia...

L'iffettu d'edd'operi sui hè monda deleteriu pè u sistema nirvosu...