[DD] [/DD] RESPONSABILIDADE

Pro su chi cumprendo deo su ruolu e sa responsabilidade chi si assumede defronte a sos ateros. Custu passaggiu este inevitabile si cherimos chi sa cunvivenzia tenzada unu minimu de ordine. Tuttus pagu o meda si assumini unu ruolu: sos genitores defronte a sos fizos, sos istudentes defronte a sos professores e gai de sighidu.Tuttus assumini in termines formales sa propria parte de responsabilidade defronte a sos’ateros.In sos’ateros s’aspettada chi custa siada coerentemente isvoligada. Nos’arrabbiamos o bi restamus male, si non capitada gai. Su giudiziu de sos’ateros tenede in grande contu su ruolu,cando non de pod’aere oza. E’ giustu puru custu proite est comente su piantu de unu piseddu chi faghede ischidare sa mamma drommida pro l’introzare sas cobertas e li dare su ciuciotto o comente a sos cumpagnos de tribagliu chi cun’una oxada intimada a su cumpagnu de faghere su propriu dovere. Nisciunu si sognada d’affirmare chi su chi si aspirada d’essere est su ruolu chi s’ada. Su ruolu est un’istrumentu, non su fine. In s’idiologia maxista s’homine oltre a su ruolu chi ada, it’est? It’est oltre sa parte formale de responsabilidade chi assumidi defronte a sos’ateros? Nudda: tant’è beru ch’in base solu a su ruolu ch’ assumidi burghesu o proletariu poder’ essere eliminadu o riconoschidu. Tando benidi mancu su ruolu,subratottu su ruolu militare o rivoluzionariu, non restat nudda, né de azione, d’isperanzia. Custu est disumanu, proite scambiada s’istrumentu cun su fine e riduidi s’homine a giogare disisperadu tottus sas possibilidades de sa vida, subra sa propria coerenza, cioè subra un’immagine non seberada m’imposta dae sa mentalidade comune. Sa culpa de custa disumanidade non est de sos mortos in sas lottas a su terrorismu o dai sos protagonistas de tangentopoli, ma dae chie los’ada educados, professores, politicos, giornalistas e, proite nò giudices chi non los’hana giudicados. Pro tottus custos infatti ite bada oltre su ruolu chi coberine; cale libertade d’immagine de se? Est’una domanda senza risposta. Senza custa risposta non benidi mai leada sa disperada sensazione de idere recitare una parte de attores ind’unu giogu tragicu chena cabu cun sa realtade, non solu cando si faghede militanza politica,ma finzas cando s’istada intro e domo a faghere sas’attividade pius normales e giornalieras.Mentre s’homine est pius mannu in su ruolu ch’est solitu faghere, in sa sua incoerenza e in su giudiziu de sos’ateros. S’homine è mannu ed ada unu postu in su mundu non proite ada unu ruolu ma proite est amadu e perdonadu. Pro custu chi s’assumidi unu ruolu finzas impopolare si bè su casu, cun entusiasmu e libertade. Cust’homine appartenede non a su giudiziu criticu de su propriu ruolu, ma a sa benevolesa chi lu faghede vivere.

Pitzente Tatti
enzigheddu@yahoo.it