Pure st'anno 'a primmavera,
m'è trasuta dint'o core
cu na smania 'e fa l'ammore
cu nu fuoco 'e giuventù:
quanno veco a 'na figliola,
me va o sang' dint'a ll'uocchie,
po' me tremmano 'e denocchie
e nu' ngarro niente cchiù…!


CARME', CARME',
Tu sola nun m’abbaste,
me ce ne vonno tre,
CARME', CARME',
i' songo 'e bbona pasta:
v'accuntento a' tutt' e ttre.
CARME', CARME',
Io nunn'o faccia apposta,
e tu cheste ll'he 'a sape',
CARME', CARME',
io tengo a capa tosta,
tosta, tosta
comme e ché.


"Per ogni uomo, tre mugliere",
steve scritto int'o giurnale,
mo ‘na legge speciale
faciarranno e ssaie pecché,
pecché l'uommene so' poche,
mentre a donna è in abbondanza:
me ne voglio fa' 'na panza,
n'ati ddoie a fore 'e te…!

CARME', CARME',
Tu sola nun m'abbaste,
me ce ne vonno tre,
CARME', CARME',
i' songo 'e bbona pasta:
v'accuntento a' tutt' e ttre.
CARME', CARME',
io nunn'o faccia apposta,
e tu cheste ll'he 'a sape',
CARME', CARME',
io tengo a capa tosta,
tosta, tosta
comme e ché.