Na onta e na ponta

[pensiero]

tanto per ritornare al nostro sano Padanismo



Domenica, 30 Aprile 2006




NA ONTA & NA PONTA
EL CANONE TV? MA SE GAVEMO ZA PAGA' LA TASSA RIFIUTI!
LE BRONSE QUERTE

Da quando che i ze nati noi se ga pi fermà, un successo drio staltro, 'na moda, 'na mania, 'na calamità naturàe, parlèmo dei "realiti show". La fantasìa dei produtori no ga limiti. Dopo "Il grande fratelo", "L'isola dei famosi", "La talpa", la concorensa voleva rilanciare programando in prima serata, ala facia dela fascia proteta, "Il formichiere e la topa". I ghe ne fa de tuti i tipi: sarà nel'apartamento, in canper, in nave, nel'isola deserta, nei cessi dee stassiòn, in tenda nel deserto, in mezo al lùamaro de 'na boaria, in tratorìa, in ospedàe, dal'estetista Zente che pur de 'ndare in teevisiòn se fa rifàre i conotàti operandose in dirèta. Me par de vedarli, quando che i se presentava ai provini col filmìn dela colonscopia e la radiografia formato tessera! Realìti sta per realtà ma invesse ze tuto falso. Pensa solo al'Isola dei famosi, diese desperà sul'isola deserta. Deserta? Ma dove? Intorno ghe gera trenta cameramen, sinque fonici, i tenici dee luci, el manager, dotori, infermieri, el prete e tuti che magna beve, ruta... El lato positivo ze che el ze l'unico caso par el quale no se poe dire che ghe ze la fuga al'estaro dei cervelli ! Un saco de zente in giro pal mondo more de "fame" e qua in Italia, nei nostri realiti show, ghe ze invesse chi che se farìa copàre par la "fama"! Quei del grande fratelo i fa proprio pecà. I ze come detenuti, ergastolani a vita dentro 'na casa sarà. E come che i vien fora i deventa subito prigionieri de Costanso. Insòma 'na vita da reclusi. Se pensèmo che ogni programa produse 'na ventina de famosi, e che i realiti i ze senpre de più, fasendo do conti podèmo calcolàre un sentenaro gajardo de novi famosi al'ano. El ze un numaro impressionante! Sarà un problema smaltirli tuti. Sì, parchè se parla de tivù spassatura, e Buona Domenica e Domenica In le ze come dele enormi discariche a cielo aperto. Ansi, a me convinso senpre de pì che no ocore pagàre el canone dela tivù, se gavèmo zà pagà la tassa dei rifiuti!

[giovanni.fgf]

tanto per ritornare al nostro sano Padanismo



Domenica, 30 Aprile 2006




NA ONTA & NA PONTA
EL CANONE TV? MA SE GAVEMO ZA PAGA' LA TASSA RIFIUTI!
LE BRONSE QUERTE

Da quando che i ze nati noi se ga pi fermà, un successo drio staltro, 'na moda, 'na mania, 'na calamità naturàe, parlèmo dei "realiti show". La fantasìa dei produtori no ga limiti. Dopo "Il grande fratelo", "L'isola dei famosi", "La talpa", la concorensa voleva rilanciare programando in prima serata, ala facia dela fascia proteta, "Il formichiere e la topa". I ghe ne fa de tuti i tipi: sarà nel'apartamento, in canper, in nave, nel'isola deserta, nei cessi dee stassiòn, in tenda nel deserto, in mezo al lùamaro de 'na boaria, in tratorìa, in ospedàe, dal'estetista Zente che pur de 'ndare in teevisiòn se fa rifàre i conotàti operandose in dirèta. Me par de vedarli, quando che i se presentava ai provini col filmìn dela colonscopia e la radiografia formato tessera! Realìti sta per realtà ma invesse ze tuto falso. Pensa solo al'Isola dei famosi, diese desperà sul'isola deserta. Deserta? Ma dove? Intorno ghe gera trenta cameramen, sinque fonici, i tenici dee luci, el manager, dotori, infermieri, el prete e tuti che magna beve, ruta... El lato positivo ze che el ze l'unico caso par el quale no se poe dire che ghe ze la fuga al'estaro dei cervelli ! Un saco de zente in giro pal mondo more de "fame" e qua in Italia, nei nostri realiti show, ghe ze invesse chi che se farìa copàre par la "fama"! Quei del grande fratelo i fa proprio pecà. I ze come detenuti, ergastolani a vita dentro 'na casa sarà. E come che i vien fora i deventa subito prigionieri de Costanso. Insòma 'na vita da reclusi. Se pensèmo che ogni programa produse 'na ventina de famosi, e che i realiti i ze senpre de più, fasendo do conti podèmo calcolàre un sentenaro gajardo de novi famosi al'ano. El ze un numaro impressionante! Sarà un problema smaltirli tuti. Sì, parchè se parla de tivù spassatura, e Buona Domenica e Domenica In le ze come dele enormi discariche a cielo aperto. Ansi, a me convinso senpre de pì che no ocore pagàre el canone dela tivù, se gavèmo zà pagà la tassa dei rifiuti!

Bellisso , penso che lo passerò a chi di dovere per una traduzione in lingua locale su un quotidiano locale.

con ossequi.