LETTERA APERTA DELLA SEZIONE SARDISTA DI BOSA A TUTTI I SARDISTI ISCRITTI O NO AL PARTITO SARDO D’AZIONE E DIFENSORI DE SA NATZIONE SARDA.

Amigos SARDISTAS,
in limba nostra Bos esprimimus sos sentimentos chi nos bullùtzana s’ànimu in custu momentu de amargura contra su Guvernu Italianu chi ad’àpiu s’ isfrontada de refudare sos derittos de “soverania” de su Populu Sardu e de su Guvernu de sa Regione Sarda, contr’a sa letze chi istituidi sa Consulta de azàminu de s’Istatutu Nou po Regione Ispeciale de sa Sardigna.

Da’e novant’annos sa Tzente Sarda ha pagadu pretzios de sambene e de milli penas e tributos po rispettare sos patos cun s’Istadu Italianu, zustos o mancantes chi essèren, semper nos àna (a befe?) riconnotu “Sardi, pazienti e obbedienti!”.- Sa Carta Costituzionale Repubblicana, testimonzos sos Deputados Sardistas chi àna partecipadu a l’iscrìere, declarat chi s’ Istadu derivat e dipendet da sa “soveranìa” de su populu.. Ma su populu non est prantadu ind’unu logu solu; ma in totu su territoriu: regiones , regiones ispeciales e binas in regiones- natziones cun dirittos particulares chi non si poden refudare, comente sa Sardigna.

Edduncas sa “soverania” es partzida da logu a logu segundu sos bisonzos; sas cumpetentzias: “esclusive, condivise o prioritarie”, chi su Popolu Soveranu affìdat a sos “deputados” de onnia ordine e gradu a lu rappresentare in sas Istitutziones superiores de s’Istadu “Federale”, oppure a sas Regiones, a sas Istitutziones Territoriales, a sos Comunes.. S’Istadu es presente in totu su territoriu e in cada logu; no’èst rappresentadu solu da’e sas Istitutziones de Roma: est rappresentadu dae su Sindigu de sa vidha piùs pittica , comente da’e su President’e Sa Repubblica.

Nois Populu Sardu rivendicamus in piùs su dirittu ‘e Nazione chi nos benit da’e sos sinnos de s’istoria millenaria, da’e sa limba, da’e sa cultura particolare chi nos distinghet; da essere su sèmene de s’Istadu Italianu e da mili atteras testimonianzas, de istudiosos e istitutziones culturales in su mundu. Chie no lu riconnoschede no l’ischit ìte cheret narrer nazione!..

Su dirittu a s’indipendentzia nos pertènet propriu da essere Natione.. Ma s’ indipendentzia, mascamente a tempos d’òje, non cheret narrer “separatismu”, comente presumini medas politicantes Italianos e finas medas “ sardos venales” ingolumados a servire meres anzenos.

Su metessi significadu de “democrazia” bènit falsadu, comente si podet dimostrare in custos 60 annos de Rapubblica in Italia. Medas bortas guvernos “monocraticos o oligarchicos” si presentana a governare cun sa Costitutziones democratica, democratica però solu a paràulas, ma casi mai in sos modos de governare..

In Italia sas contraddissiones sunu medas e las bien finassos tzègos!.. Mascamente sas fartzidades de s’Autonomia de sa Sardigna e de sos dirittos de su Populu sardu !..

Comente Sardistas semus semper cunvintos chi s’Unidade de s’Italia e de s’Europa si conchistat solu cund’unu sistema Federale chi eqilibret sos dirittos e sos doveres de totus sas Naziones e Istados, in rispettu de sos bisonzos de sos piùs dèbiles, ismenguande sas siendas de chie balannzat de piùs, o sena misura isfruttande , sena atzuare sas miserias de sa zente e arranzare su male fatu.

Ma como” sa passentzia comintzat a mancare”!.. Da unu Guvernu “de sinistra” isettavamus un istile “democraticu” divresciu de governare e rispettare s’Autonomia Regionale.
C
umpanzos Sardistas, bisonzat a nos ischidare: “est’ora ‘e bentulare!”-Bisonzat incoratzire su Cunsitzu e su Guvernu Regionale a “RESISTERE- RESISTERE-RESISTERE” e in cada vidha informare sa Zente nostra de sas malas intenziones de su Guvernu Italianu.

Da parte de totu mois de sa Sezione de Bosa FORZA PARIS!

BOSA 31 LUGLIO 2006
IL SEGRETARIO PROVVISORIO
( Dr.Carlo Deidda )