L’obietivo de sto intervento xè un sforso maieutico finałixà ała determinasion de un piano atuativo de emancipasiòn połitega, economica e sociałe dełe xenti del Veneto.

I tentativi pasai e anca presenti par ragiungiar tałe scopo fin deso łi gà fato leva sul soło metodo eletorałistico (coła nobile ecesiòn dełe Raixe Venete e dei grupi culturałi Venetisti). Oxarìa dir metodo eletorałistico fine a sé steso, opùr finałixà al benesere de ki ke ghe ne gà trato i benefici direti de rapresentante połitego de un stato ke kome re el gà na clase połitega autoreferensiałe e korota, oltreké, roba pì grave, bona da gnente. O mejo, su na roba ła xè stada bravisima: el aviłimento deła nostra tera, deła nostra economia, deła nostra identità.

El metodo eletorałistico xè stà utiłixà principalmente dała Lega Nord de Umberto Bossi (che nol siga pì tanto come na volta), de cui fa parte eła Łiga Veneta. Nel pasà, al’inisio e a metà dełi ani ’70, diretamente traverso de eła. Ancora prima (nełi ani ’70), ghe xè stà el tentativo forte de Antonio Bisaglia, de stacar eła sesion Veneta deła Democrazia Cristiana. El tentativo xè stà stroncà fin dal’inisio dała DC e dała intelligence tałiana. Altri progeti pì cei xè il picoło partito PNE (Progetto Nord Est), che divide ła base eletorałe deła Lega sopratuto nel trevixàn e nel vixentìn, e grupì minori deła gałasia Venetista, speso ‘ndada fora dała Łiga Veneta in varie fasi połiteghe nełi ani ’80 e ’90.

Ma kuało xeo el modeło kui se ispira tałi tentativi?

No kueło catałan, parké no ghe xé nesun partito Veneto, o lombardo-Veneto (ghe xé kalke trato komune tra eła Lombardia e el Veneto) ke sia, che riese a influensàr el governo centrałe kome ke fa Convergència i Unió co Madrid (e sto modeło d’altra parte xè auspicà dała kuasi totalità dei partiti Veneti de ankuò).

No kueło basco, parké no gavemo na rapresentansa połitega de destra e de sinistra nasionałi del Veneto. Łe destre e łe sinistre ke ciapa voti in Veneto xè na direta emanasion romana, xè soło dełe sesion locałi de partiti nasionałisti tałiani.

No kueło scosexe, ke oltre ała prexensa de un forte partito nasionałe scosexe el gà l’aporto kulturale de testiomanial kuałi Sean Connery e ła fierésa e l’orgołjo de un popolo che kusì el se riconose da sekołi.

No kueło bavarexe, kel gà łi propri intaresi difesi dała costoła bavarexe (ła CSU) del principałe partito popolare tedesco (ła CDU). Par inciso, kuesto gera el modeło perseguìo da Bisaglia.

Ancora pì distanti xè i modełi irlandese e deła ex federasiòn jugoslava, su kui no serve sofermarse, viste łe derive viołente e autolesioniste dełi fenomeni.

Ghe xè kuindi bixogno de un modeło politico originałe chel se adate ałe specificità del Veneto e le interprete al mejo.

De fato, par kueło che se gà visto fin deso, łe asion połitiche direte nołe gà speransa, parké łe scaturise na forma de scontro prematuro kontro organixasiòn ke gà poteri de controło, persuasion e indiriso masa forti da kontrastàr.

Dovemo trovar prima na linea de kondota strategica intełigente ke riesa a far cresar strumenti simiłi de rexistensa ałe atività antivenete.

Anca asiòn dimostrative pseudo-miłitari, o in ogni caso no eletorałistiche clasiche, kome ła comemorasiòn dei duxento ani deła scomparsa deła Serenisima, ko l’invaxiòn deła piasa San Marco kol tanko eła presa del Kampaniłe da parte dełi oto patrioti Serenisimi, dopo kualche ano no par aver asà tanti ricordi de sé, o altri grosi efeti, se no par łi strasiki legałi par i pori membri del Serenisimo Governo, se non adiritura al kosto deła vita come par el poro idełogo Bepin Segato, mancà da poco.

Poka anałixi del sostrato Veneto xè stata fata fin deso. Sensa tałe anałixi, no podemo ‘ndar da nesuna parte, parké no konosemo i punti de forsa e łe distintività deła nostra identità Veneta.

Kuałe xełe łe carateristiche forti del Veneto?
Ecoghene alcune:

- Połicentrismo
- Mancansa de metropoli
- Sviłupo urbanistico difuxo
- Kapacità kołoniałe
- Kapacità gestionałe
- Kapacità komerciałi
- Kapacità produtive
- Kapacità agrikołe
- Kapacità turistiche
- Poxisiòn geografica strategica

Kuałi xełi invese i punti debołi del Veneto? Par mi i principałi xè:

- Incapacità finansiarie
- Rete de trasporti al cołaso
- Incapacità połitica
- Incapacità mediatiche
- Incapacità de networking sociałe
- Declino łingustico

Verxemo un dibatito serio par scoprìr kuałe ke xè łi łevarini da uxàr par ła nostra emancipasion politica e sociałe. No stemo sfidàr, par deso, el stato tałian. Soło un ritrovarse tra Veneti, nel spirito dełe Modifiche al kodice penałe in materia de reati de opiniòn.

Ricordemose infati ke, ała luce deła Lege 24 febraro 2006 n. 85, publikada neła Gazzetta Ufficiale n. 60 del 13 marso 2006, no xé pì un reato perseguibiłe dała Lege kompiar ati noviołenti direti e giusti par menomàr eła unità nasionałe del stato tałian.

Xè kuindi legittimo auspikar na metodologia che no rikora soło ało strumento eletorałistico, ma anca ad altri łeverini pacifici e noviołenti kuałi:

- Ła disobediensa civile
- Ła istitusiòn de pati de sindacato
- Ła fondasiòn de movimenti de opiniòn
- Ła creasiòn de network sociałi
- Ła realixasiòn de enti privati o de caratere cooperativo
- Ła fondasiòn de istituti de credito
- Ła introdusiòn de atività editoriałi e mediatiche
- Ła realixasiòn de atività commerciałi
- Ła ideasiòn de club, o de community

tese al ragiungimento pacifico e noviołento dełe basi necesarie ała promosion politica e sociale del Veneto. Par utilixàr eła łingua dantesca, anca par no farse riconosàr dal nemico sentrałista, el nostro slogan podarìa esar: “non ti curar di loro, ma guarda e passa”.

Fin deso ne xè mancà el sarveło, fradełi Veneti. Ritrovemoło in presa.
Par kueło che me riguarda, gò kusì poca fiducia neło strumento eletorałistico, che no voto par łe elesiòn del stato tałian ormai da tanti ani.

s-ciao, giane