A£ora ve antisipo na me proposta de lavoro.

Par chi che vol partesipar, sto lavorando a un documento programatego a favor del'indipendensa dei veneti. Me piaxarìa confrontarme co chi che xe interesà.

Chi che vol partesipar in modo fativo a£a redasion de sta documentasion, me pol contatar co un mesagio privato.

Sto grupo de lavoro no varda ad apartenense partitiche.

I prerequixiti par poder lavorar insieme secondo mi xe:

- poxision favorevo£e al'indipendensa dei veneti;
- ategiamento propoxitivo e no distrutivo de£e opinion de st'altri;
- acetasion de£e norme previste nel dirito internasiona£e;
- acetasion dei prinsipi de legitimità democratica e de non vio£ensa;
- acetasion dei prinsipi de continuità istitusiona£e;
- acetasion del prinsipio de proprietà privata;
- rifiuto de ogni forma de rasixmo, sesixmo, discriminasion £engoistica e de convinsion re£igioxe, po£itiche, orientamenti sesua£i.

Prima de far partir el lavoro, ragionemo sui prerequixiti par poder colaborar.

Dopo che i ghemo condivixi, chi che li aceta el firma preventivamente un documento de acetasion dei prinsipi e po dopo verxemo el tavo£o de lavoro comune.

Cosa ghe ne pensè?