Independensa Veneta: tute le strade deve esar batłe

Download comunicato

El PNV inisia łe consultasion pa na asenblea generałe.
_____________________

Trevixo, lģ 5 de xenaro 2007 more Veneto

Par quanto riguarda i procesi in corso de costrusion de novi procesi połiteghi a favor del’independensa veneta, el PNV riconose a tute i sogeti de deso titoło e validitą dełe motivasion che ognun porta pa łe so batajie.

El PNV aferma che ognun co łe so texi arichise el proceso de autodeterminasion in corso, da chi che ritien de verlo xa inisią, a chi che ło rivendica internasionalmente, a chi che aferma che nol xe mai sta legalmente exercitą e che donca semo ancora sovrani, a chi che gą sfumature e poxision diverse, a chi che ritien de percorar ancora strade połiteghe so el sistema istitusionałe vigente de facto.

Tute le strade par l’independensa veneta xe vałide, purché democratiche, pasifiche e rispetoxe deła vołontą del Popoło veneto.

El PNV ribadise parņ che nol pol parņ riconosar la escluxivitą de raprexentansa del popoło veneto a nisuni e oviamente nol gą l’arogansa de rivendicarla come PNV.
Donca:
  • no boicotaremo nisuna inisiativa, come anuncią ieri, ma gnanca partesiparemo a inisiative unilaterali;
  • no riconosaremo nisun goerno de unitą patriotica che nol nasa da un proceso condivixo e partesipą da TUTI i sogeti politisi veneti favorevoli al’independensa veneta.
El PNV infine ribadise nel contenpo la vitałe inportansa de un resiproco riconosimento de tuti i sogeti połitisi veneti e par sto scopo continuarą ła consultasion de tute łe anime połiteghe favorevołi al’independensa pa organixar na asenblea comun, ndoe che ndaremo ognun a registrar łe proprie poxision.


Gianluca Busato

Comitato pa ła fondasion del
Partito Nasionałe Veneto


Web: www.pnveneto.org
E-mail: [email protected]org