Riunione del 27.01.2008 - Assemblea Nazionale Veneta (ANV)

ciao a tuti,
ancuò se gà tegnuo el pranso organixà da Luciano Franceschi (Autogoverno del Popolo Veneto), cui gà partesipà na quarantina de persone in raprexentansa de varie organixasion venete.
No me dilungo sul’andamento che comunque ritegno poxitivo a parte na gravisima dichiarasion che me gà lasà molto turbà da parte del sig. Puschiavo de Verona, che gà vuo l’efeto de far scanpar Valerio Serraglia del Veneto Serenissimo Governo. Da parte mia ghe xe sta ferma condana de ste parole gravi e anca conprension par la decixion del VSG.
Non entro nel merito del’andamento dela riunion, podè eventualmente domandar na relasion a Luciano Franceschi che gà condoto i lavori.
L’aspeto che volevo rendar piovego xe che su me proposta xe sta decixo al’unanimità de crear l’Asenblea Nasionale Veneta (ANV), de fato un parlamento, un congreso ndoe che deve trovar parola TUTE le asociasion, organixasion o singole persone venete che xe ative par la nostra autodeterminasion. L’ANV dovarà ritrovarse inte na sede itinerante almanco ogni bimestre. Tuti i interventi dei so menbri vegnarà verbalixai e piovegai.
Ala votasion no gà partesipà el VSG, che nel fratenpo gaveva abandonà la riunion, ma inte’l so discorso gà piovegamente apogià l’inisiativa e se gà dichiarà favorevole.
Senpre a votasion unanime dei prexenti xe sta decixo che el sotoscrito, Albert Gardin e Tiziano Carrarini dovarà organixar apunto l’ANV, quantomeno inte la faxe inisiale.
Par mi questa xe un’ocaxion straordinaria de crear un momento de resiproco riconosimento e cresita comun verso na convergensa de tute le forse a favor del’independensa veneta.
Prima de trovarse insieme a Albert e Tiziano, volevo domandar a ognun de valtri cosa che ghe ne pensè e se eventualmente gavè qualche sugerimento da dar par l’organixasion del’ANV. Podè farlo da qua:

http://www.pnveneto.org/index.php/20...le-veneta-anv/