User Tag List

Pagina 1 di 2 12 UltimaUltima
Risultati da 1 a 10 di 16
  1. #1
    Forumista
    Data Registrazione
    27 Feb 2008
    Messaggi
    198
    Mentioned
    0 Post(s)
    Tagged
    0 Thread(s)

    Predefinito A chie est sardu, chistionat in sardu. Puru in poesia.

    A faeddare in sardu est dovere de totus. Puru in poesia.

    A bi nd’at zente chi li piaghet sa poesia? Fato unu brindu: a chie cheret provare, ponzat pacas rias in rima e nerzat su chi cheret cun carchi otada (menzus non prus de tres), o unu sonete, o cumente li benit bene. Su chi naro est chi si depet iscrier:
    • Una poesia solu e non prus de una bintena de versos cada borta (una pariga de istrofas);
    • Respetande cantu prus sa mètrica;
    • Ponende cantu prus SOLU allegas sardas (ingresas, frantzesas, ma no italianas, ca che semus prenos finas a cùcuru!);
    • Menzus a dare puru unu lùmene (titolo) a cada poesia;
    • Si b’at bisonzu si podet azungher carchi nota po allegas istrabecas (poco usuali);
    • Su tema est lìbberu; menzus però a chistionare de politica, cultura e atualidade (po como dia narrer a lassare a un’ala sa lìrica);
    • In cada limbazu de Sardigna, de calesisiat variante: Campidanesu, Logudoresu, Gadduresu, Thatharesu, Aligheresu e Zirabarchinu puru, o Bithichesu o Lodeinu; totu sarvu Talianu! A chie cheret puru in Lsc, mai si torret a bier; che l’amus a agguantare e totu.
    • Po su restu, a chie si nde messat.

    (prova, prova!)

    Chi su Componidori
    permitit s’atrivida,
    ollia fai unu brindu nou:
    a su cumandu sou
    fatzan bona bennida
    is poetas (jai seus a frori!).
    Totus du scinti fai:
    is sardus non timint a poetai.



    A chie est sardu, chistionat in sardu.

    A faeddare limba sarda solu,
    lu depet cherrer cada sardu veru;
    o de torrare a su connotu, isperu
    mai amus a tenner o consolu,
    àteru si non male mannu e dolu
    non nos benit, non dende cunsideru
    a su limbazu nostru, chi sos mannos
    faeddaian pro mill’e mill’annos.

    Chini ollit a scriri in poesia
    du fatzat puru a sa campidanesa,
    deo lu fato a sa logudoresa
    ca da nàschida est sa limba mia;
    vulia punì finze marrania
    in chidda tataresa o gadduresa.
    Sardos totus, per Deus e per Santos,
    faeddamus in sardu totu cantos.

    •   Alt 

      TP Advertising

      advertising

       

  2. #2
    Forumista senior
    Data Registrazione
    26 Jun 2006
    Località
    Sardigna Soberana
    Messaggi
    1,969
    Mentioned
    0 Post(s)
    Tagged
    0 Thread(s)

    Predefinito

    deo no sò bonu a poetare,
    ca cussa no est arte mia
    ma chelzo narrer una cosa ebìa
    su sardu lu devimus amparare
    chi est pro donzi orija sarda un'armonia
    intender sos sonos 'e su limbazzu
    de sos antigos nostros e de sos mannos
    duncas,bivat sa limba sarda a medas annos!

  3. #3
    Forumista
    Data Registrazione
    27 Feb 2008
    Messaggi
    198
    Mentioned
    0 Post(s)
    Tagged
    0 Thread(s)

    Predefinito

    Citazione Originariamente Scritto da ricardu Visualizza Messaggio

    deo no sò bonu a poetare,
    ca cussa no est arte mia
    ma chelzo narrer una cosa ebìa
    su sardu lu devimus amparare
    chi est pro donzi orija sarda un'armonia
    intender sos sonos 'e su limbazzu
    de sos antigos nostros e de sos mannos
    duncas,bivat sa limba sarda a medas annos!
    E finamentas tue s’aconcada
    l’as fata e de poeta sa bessida;
    bene o male s’otada l’as finida,
    pro su chi naras cheret amirada;
    tenes traju, ma in mesu e in sa serrada
    carchi sìllab’ in prus li’as sighida.
    Sìllabas sun ùndighi cada versu
    ca si no s’armonia andat traversu.

    (perdona, mi permito
    de fagher s’acontzada,
    si àteru menzus nd’ada
    est craru chi l’amito).

    Deo bonu non so a poetare
    ca cussa non resurtat arte mia,
    ma chelzo narrer una cosa ebia:
    su sardu lu depimus amparare,
    ca pro s’orija sarda est armonia
    su limbazu e sos sonos ascurtare
    de sos antigos nostros, de sos mannos;
    bivat sa limba sarda, a medas annos!

  4. #4
    Forumista senior
    Data Registrazione
    26 Jun 2006
    Località
    Sardigna Soberana
    Messaggi
    1,969
    Mentioned
    0 Post(s)
    Tagged
    0 Thread(s)

    Predefinito

    ti torro gratzias pro sa curretzione
    su gurthu,tue si chi ischis contare
    deo no resesso a mi regulare
    ca sò de un atera generatzione
    chena meda traju in su poetare
    creschidu atesu dae sa traditzione
    ma finas in su parentadu meu
    no faltan sos poetas in s'ereu

  5. #5
    Forumista
    Data Registrazione
    27 Feb 2008
    Messaggi
    198
    Mentioned
    0 Post(s)
    Tagged
    0 Thread(s)

    Predefinito

    Si esseret a narrer , ja cheria
    Ricardu, chi m’aeres reconnotu
    chi a cantare seo de balia,
    non solu po contare mi des votu;
    imparaditzu so in poesia
    l'isco chi traju non bi nd’apo e totu;
    si bides sos meritos a metade
    nessi ammira sa bona volontade.

    Ma lassamus sas brullas, ca sa mente
    a sas terras de Cina m’est fuida,
    deghe miza bi an lassadu sa vida
    aggartzados in domo de repente,
    mala fortuna che a cussa zente
    mai sa terra nostra l’at retzida.
    Su chi bochit a nois in eternu
    est su fogu e su malu guvernu.

  6. #6
    Forumista
    Data Registrazione
    27 Feb 2008
    Messaggi
    198
    Mentioned
    0 Post(s)
    Tagged
    0 Thread(s)

    Predefinito

    Su sardu Tumbarinu

    1
    A chie est tusturrudu
    a narrer costumamus
    chi est conca de nodu, perda o tzou,
    si puru est corazudu
    ch’est tortu li naramus
    che anca ‘e cane, totu a dannu sou;
    sos sardos chene tinu
    Cubeddu lis nat “conca ‘e Tumbarinu”.

    2
    Su sardu faghet gai
    che a su Tumbarinu,
    eroe in sa batalla de Custoza;
    corazudu simmai
    balente de continu
    no est omìne chi tremet che foza;
    pìcalu a ghetu suo
    e b’intrat ue deo mi nde fuo.

    3
    Brigata Tataresa
    si nd’at ogadu fama,
    a sos Dimònios nemos parat fronte;
    in dònnia contesa
    l’ana binta sa prama
    carrigande da badde cara a monte,
    abboghinande afforte
    “pro Deus e su re fin’ a sa morte!”

    4
    Da sas naes frantzesas
    bator miza sordados
    su mille e sete in su novantatrese,
    in costas quartesas
    totus sun isbarcados
    intro Casteddu po che ponner pese,
    ma cando an avantzadu
    arratza ‘e surra chi lis an sestadu!

    5
    Sordados piemontesos
    fian pagos ‘e totu
    forza de si defender non nd’aian;
    sardos bolontadosos
    si sun postos in motu
    da totue benin sos chi podian;
    pro cussu est ch’assustados
    sos de Frantza a sas naes sun torrados.

    6
    A sos italianos
    sos libicos los fian
    annientande a lepa e istocada,
    po sos tripolitanos
    nugoresos cherian
    frimos de coro, a fagher parada;
    narat su capitanu
    “sa Barbagia li depet ponner manu!”.

    7
    Contras a Tzicu Pepe
    movian da trintzea
    sordados sardos a cumandu ‘e Lussu,
    a brincare sa sepe,
    lu naro in bida mea,
    fit sa morte secura a fagher cussu,
    ma non timet su sardu,
    samben, onore, coro de atarzu.

    8
    Ite l’an reconnotu
    a custa terra nostra
    pro totu su ch’ an fatu fizos suos ?
    Guvernu galiotu,
    mancu po fagher mostra,
    dat traballu, diritos e azuos:
    solu males nos dana
    tassas e “àliga” napolitana.

  7. #7
    Forumista
    Data Registrazione
    27 Feb 2008
    Messaggi
    198
    Mentioned
    0 Post(s)
    Tagged
    0 Thread(s)

    Predefinito

    Ite làstima, sa natzionale!



    Nàdemi chi mi sono e chi mi ballo

    ma deo sigo a fagher poesia,

    puru si custa no est arte mia

    lu fato, non m’importat si m’ irballo,

    e si nemos m’azuat, non mi callo,

    che preide canto sa litania;

    dònnia die la fato un’otada

    si puru ater chi cantat non bi nd’ada.



    Ite làstima, sa natzionale!

    Non nd’at fatu una e nd’at picadu trese.

    Como li tocat rumena e frantzese:

    non bastat po dormire capitzale;

    jughet su coro che porcu mannale

    cando lu ogan presu a bator pese.

    Fortza sardos, lassade sa matana,

    zente nostra mi paret chi non nd’ana.

  8. #8
    Forumista assiduo
    Data Registrazione
    20 May 2009
    Messaggi
    7,923
    Mentioned
    0 Post(s)
    Tagged
    0 Thread(s)

    Predefinito

    Non ti preoccupes, chi da ti leghene, deo non isco poetare in rima, ma mi fachet piaghere a imparare

  9. #9
    Forumista senior
    Data Registrazione
    26 Jun 2006
    Località
    Sardigna Soberana
    Messaggi
    1,969
    Mentioned
    0 Post(s)
    Tagged
    0 Thread(s)

    Predefinito

    Citazione Originariamente Scritto da su gurthu Visualizza Messaggio

    8
    Ite l’an reconnotu
    a custa terra nostra
    pro totu su ch’ an fatu fizos suos ?
    Guvernu galiotu,
    mancu po fagher mostra,
    dat traballu, diritos e azuos:
    solu males nos dana
    tassas e “àliga” napolitana.
    su gurthu,istimadu amigu
    sa curpa est de sos sardos ebìa
    cuntentos de una frassa autonomìa
    s'irmentigan sa limba,orgogliu antigu
    'enden s'anima pro unu punzu 'e trigu
    no est custu su chi namus "balentia"
    como e derettu est ora 'e s'ischidare
    chi no tenimus pius s'aneddu a nare.

  10. #10
    Forumista
    Data Registrazione
    27 Feb 2008
    Messaggi
    198
    Mentioned
    0 Post(s)
    Tagged
    0 Thread(s)

    Predefinito

    Citazione Originariamente Scritto da ricardu Visualizza Messaggio
    como e derettu est ora 'e s'ischidare
    chi no tenimus pius s'aneddu a nare.

    No isco ite tifare

    A narrer sa ‘e beras
    no isco, si tifare
    po s’Olanda o po sa Romania;
    si tue cussideras,
    in su chistionare,
    faeddos a sa moda tua e mia
    nde ogan sos rumenos;
    sos olandesos, faeddos anzenos.

    Santu illiberadore!
    Si non binchet s’Olanda
    ite frigura sa natzionale!
    Primu s’allenadore
    lu ponen a mudanda
    polìticos, meres e giornales;
    issu po si denfender
    narat: s’Olanda at chèrfidu a si bender!

    No! Mi torro a pessare,
    perdat sa Romania,
    nessi nde bido un’àtera bella:
    tando depen jogare
    Frantza cun Italìa,
    bonas ambas, un’e àtera istella.
    Custa est una “finale”,
    bincat…non naro nen chie nen cale.

    Si malos esseremus
    (ma malos, cando mai?!)
    a bincher sos rumenos menzus fiat;
    si nonde afutiremus,
    bincat s’Olanda, gai
    cudda bella “finale” la bidia;
    s’Itàlia, perdende,
    tando sì, ch’istat a filipende!

    Cando nolla bidimus
    sa die bona, cando,
    de tenner una natzionale sarda?
    tando sì chi l’ischimus
    ite tifare, tando,
    s'atopamus s’iscuadra b…arda!
    Como, divertimentu!
    A cuddos, los boghen a fogu tentu!

 

 
Pagina 1 di 2 12 UltimaUltima

Discussioni Simili

  1. Cristoforo Colombo: Sardu issu puru!
    Di Kornus nel forum Sardegna - Sardìnnia
    Risposte: 6
    Ultimo Messaggio: 07-03-08, 10:24
  2. su primu spot in sardu po su sardu!
    Di Perdu nel forum Sardegna - Sardìnnia
    Risposte: 41
    Ultimo Messaggio: 01-04-07, 12:12
  3. su primu spot in sardu po su sardu!
    Di Perdu nel forum Sardismo
    Risposte: 1
    Ultimo Messaggio: 19-03-07, 22:31
  4. calendàriu sardu, ocannu puru
    Di Perdu nel forum Sardegna - Sardìnnia
    Risposte: 0
    Ultimo Messaggio: 08-12-04, 10:45

Permessi di Scrittura

  • Tu non puoi inviare nuove discussioni
  • Tu non puoi inviare risposte
  • Tu non puoi inviare allegati
  • Tu non puoi modificare i tuoi messaggi
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226