El 31 de Luj del 2008, l´è andaa anca lù, el professor Claudio Beretta, studios de la lengua milanesa, vun di pussee important del `900 e del dì d´incoeu. Nassuu in del 1920 l´ha semper portaa innanz, cont el sò esempi e la soa produzion letteraria, la voeuja de capì e de portà la nòsta lengua a la portada de tucc, studios e student. Anca se el sò rigor metodològich l´ha faa spess inrabì chi voreva creà di noeuv maner de scriv el milanes o pesg chi voreva creà di lengov "lombard", quest l´haa fa sì che la nòsta lengua l´è adess pronta per vess insegnada.
La soa grammatica "Grammatica del dialetto milanese" e i sò studi in su el milanes contemporani, el dizionari milanes, scrivuu in collaborazion con l´ingegner Comoletti, hinn i òper pussee important de l´ultim secol per la nòsta lengua e on regal favolos per tucc i gent d´Insubria.
El sò grand lavoraa, faa spess in collaborazion con la sezion coltura milanesa del Circol Filològich Milanes, l´è staa important e de
qualità. L´è bell regordà adess quell che el diseva in de la prefazion a la soa grammatica quand el parlava di sò sògn: "prima de taccà el piffer al ciòd, speri de pubblicà ona ricca antologia critica-storica e de vedè on noeuv grand dizionari [...] per portà degnament el milanes in del noeuv secol".
El sò sògn el s´è realizzaa, adess ne tòcca a nunch portà la lengua milanesa in di scòl cont el progett de la Scòla Insubra. Domà Nunch l´è el primm sponsor de questa iniziativa e, el saria pròppi bell podè regordà in del nòmm del professor la reussida de sto progett chì. El sò esempi l´è util per regordà che anca i grand sògn se pòden realizzà. Ma l´è minga assee lavorà, bisògna anca lavorà ben.
Grazie anmò scior professor Beretta,
S’ciavo.
Associazion Domà Nunch
www.eldraghbloeu.comwww.domanunch.org
Bibliografia
Lengua milanesaStòria
- Grammatica del Dialetto Milanese, Libreria Milanese, 1998
- Cesare Comoletti, Dizionario Milanese, Vallardi A., 2001, con Cesare Comoletti
- Claudio Beretta, Letteratura dialettale milanese. Itinerario antologico-critico dalle origini ai nostri giorni, con CD audio, Illustrato, 1000 pagine, Hoepli, 2003
Tòpònomastica
- Carlo Maria Maggi e la Milano di fine '600, Di Baio Editore, 1999.
Biografia
- I graffiti camuni come elementi linguistici, 1991.
- Polivalenza semantica del graffito, 1993.
- Toponomastica in Valcamonica e Lombardia. Etimologie e relazioni con il mondo antico. Centro Camuno, 1997.
- I nomi dei fiumi, dei monti, dei siti. Strutture linguistiche preistoriche. Hoepli, 2003.
- Il masso di Penn, la Rocca di Corno e altri nomi preistorici, 2005.
http://it.wikipedia.org/wiki/Claudio_Beretta