Poesie del Regno delle Due Sicilie

[Napoli Capitale (POL)]

'O SULDAT ‘E GAETA

(di Ferdinando Russo)
http://www.nazionenapulitana.org/ebo...o%27eGaeta.pdf


'O LUCIANO D’O RE

(di Ferdinando Russo)
http://www.nazionenapulitana.org/ebo...nod%27oRre.pdf


‘O PEZZENTE ‘E S. GENNARO
(di Ferdinando Russo)
I
Che ffaie? te lagne?... ‘A sciorta è sempe sciorta!
Tu nasce quatro? E te ne muore tunno!
Fa comm’a chillo... mo’ nce vo’... Nun mporta! ‘
‘O latro ncoppa, e ‘o galantommo nfunno!
‘A vita è chesta! ... Accumpagnammo ‘a morta!
Doj’ ova e nu paniello, e chist’è ‘o munno!
Nu muzzunciello int’a na pippa corta,
e strascine, e cammine, e vai nzeffunno!
‘O Cuvemo è Taliane?...
E c’ha fatto? Ha fatto ll’uovo!
Cu na vranca ‘e mosche mmane
nce ha rummase, e over’è!
Ah, mannaggia Pulicane!
Francischiello, Francischié!

II
Comm’è? Sta cosa mo’ nu fosse overa?
Ma nun simme pezziente tuttuquante?
Io vaco appriesso ‘o muorto cu ‘a bannera,
e vuie purtate ‘o tubbo, ‘a sciassa e ‘e guante!
Ma si guardate ‘e ssacche... bonasera!
Vuie me putite di’ ca so’ gnurante,
ma ca po’ stammo tutte ‘e na manera,
ggiuratece, fratié, ch’è ssacrusante...
‘O Cuverno è Taliane?...
E c’ha fatto? Ha fatto ll’uovo!
Cu na vranca ‘e mosche mmane
nce ha rummase, e over’è!
Ah, mannaggia Pulicane!
Francischiello, Francischié!‘

III
Tutte ‘e viscuotte a chi nun tene diente!
Lloro affocano tutto! ... ‘E carugnune!
Pagliette, riputate, presiriente!
E ‘o riesto? Simme tanta pezzentune!
Ma tanno nun ce stevano pezziente!
Addo’! C’erano tutte signurune!
Tanno ‘e ppezze ‘e tenévano pe nniente,
e mo’ ‘e tenimmo nfaccia a li cazune!
‘O Cuverno è Taliane?...
E c’ha fatto? Ha fatto ll’uovo!
Cu na vranca ‘e mosche mmane
nce ha rummase, e over’è!
Ah, mannaggia Pulicane!
Francischiello, Francischié!




L’AUMMARIA
(di Luigi Chiurazzi)
Bella è la libertà, cara stemmata,
(La vera, non già chesta mo portata!)
Sta gioia de le gioie è n’armonia,
Aummaria!

De Napole sto Regno sconzolato,
Na vota tanto ricco mo spogliato,
Tu sarva, o Dio, da guerra e carestia,
Aummaria!

Da menistre e da ciucce depotate
Non volimmo esse cchiù maletrattate,
O tu falle morì de nzularchia,
Aummaria!

Se nc’è chi quarche bene nce vo fare,
Pe mmiezo a lloro non lo fanno stare,
Le vace contra la Consortaria...
Aummaria!

So già sei anne e non s’è bisto niente.
Lo stesso se farrà pe n’autre cciente!...
Li solete strapazze e tirannìa,
Aummaria!

Co ttasse, contratasse e co gabelle
Nc’ànno rummase l’osse senza pelle,
Chesta è na verità, non è buscìa,
Aummaria!

Jétteco à da murì, scemo e cecato,
Chi sto guajo da sta vanna ave portato,
Pozz’jì lemmosenanno pe la via,
Aummaria!

De subbeto panzuto e morì ciesso
Chi mpiego lassa, e chi nce vene appriesso,
Sii pagnottiste e sta dipromazzìa,
Aummaria!

Chi va, chi vene, e chi sta mparlamiento,
Che fanno sempe chiacchiere a lo viento
Pozz’avere na voccia e na cionchìa,
Aummaria!

Pe dà n’esempio nce sarria sto patto;
D’avé na rotta d’osse nnitto nfatto.
Chi male fà... tanno nce penzarria,
Aummaria!.
1866.







Poesie recenti o che comunque non hanno datazione e autori certi.


GAREBBALDE TRADETORE

Da Wikipedia:
http://it.wikipedia.org/wiki/Risorgi...grande_assente

Ca amm'a fa de Garebbalde
ca iè mbame e tradetòre?
Nu velìme u rè Berbòne
ca respètte la religgione

Sènghe na vosce abbasce
Frangische se ne va
Règne de Nàbbule statte secure
ca dope n'anne av'a ternà.

(Che ne facciamo di Garibaldi
Che è infame e traditore
Noi vogliamo il re Borbone
che rispetta la religione

Sento una voce in basso
Francesco se ne va
Regno di Napoli stai sicuro
che dopo un anno deve tornare)


RISORGIMENTO AGGIORNATO

(da qui:
http://digilander.libero.it/pinkpanther1/briganti.htm)

Garibaldi, figghje 'e 'ndrocchia,*
tu che guaje ch' ha' cumbinato!
Che tenive int' 'a capocchia
quann' ha' fatto 'stu peccato?

Fu Camillo di Cavour
che 'mbrugliava pure a te;
mentre tu facive 'o tour,**
pensava, isso, sulo a sé.

Del signore conte Benso,
"della Patria il creatore",
io, invece, sai che penso?
" era sulo sfruttatore".

Peppeniello, pe' te stesso,
tiene 'a giustificazione:
tu, pe' primmo, l'ha' ammesso
che si stato 'nu 'mbruglione.

Ce faciste 'e promesse:
"Libertà senza Borbone!"
e n' ha' fatto tutte fess'
pe' ce dà 'n' ato padrone.

'Nu padrone cchjù fetente,
che faceva 'a sanguisuga
e nun ce lassava niente,
fino a farci tentà 'a fuga,

(c' 'o curaggio d' 'o brigante
o c' 'a primma emigrazione),
tartassava tutte quante
fino alla disperazione.

'Nu padrone prepotente,
che metteva int' 'a prigione,
pure pe' 'na cosa 'e niente,
se contraria d' opinione.

T' 'o ricuorde, po', a Cialdini?
che cuscienza, 'o Generale,
sterminava pure 'e bambini,
con l'avallo del Reale.

'Nu padrone "piemontese",
pe' conferma 'a tradizione,
"sempe falso, ma cortese",
pe' ce fa' n' ato bidone.

Era meglio Franceschiello!
Forse troppo delicato,
cu 'nu core tenneriello,
ma sicuro affezionato

a 'stu Popolo sudista,
sempe pronto a fa' casino,
ma ingenuo, ottimista,
rassegnato a llu destino.

Sulo a fine d' 'o mandato,
'ngoppe' 'e spalte d' 'o castiello,
sulo llà s' è riscattato
'nmiezo a tutto 'nu maciello.

Cu Sofia, a fianco a fianco,
sotto 'e bombe, ogni matina,
nun pareva mai stanco;
chella sì, ch' era Reggina!

Difendeva tutto 'o Regno
contro 'a forza 'e l'invasore,
nun fujeva c' 'o piroscafo
dall'Italia, senza onore,

comme 'o Re e 'a Reggina
d' 'a casata savoiarda,
che lasciarono l'Italia,
sola e secca comme 'a sarda.

Che vvuò fa'? Simm' diversi!
Nuje tenimme 'o core 'mpietto,
llà nun scrivono mai versi
si nun trovano profitto:

nuje tenimme 'a "Fenestella",
pe fa' Ammore a Marechiaro,
isse, invece, 'e "Fenestrelle",***
pe' ce da' carcere amaro.

Gambizzato, 2001
*Modo di dire in dialetto napoletano, in tono
confidenziale, ironico,quasi come un complimento e
sicuramente non in modo offensivo, equivalente in italiano
a "figlio di buona donna", con tutto il rispetto per la
madre del destinatario in genere.
** Giro del Regno delle Due Sicilie per conquistarlo.
*** Famoso carcere piemontese, cosiddetto "lager dei
Savoia", utilizzato per rinchiudervi i dissidenti del Regno
delle Due Sicilie.




Chi ne conosce altre ne inserisca pure,
Grazie.

[Napoli Capitale (POL)]

Da questa pagina altre due poesie:
http://www.eleaml.org/sud/briganti/tardio.html




LI BREANTI RE LO RE

Simo breanti re lo Re. Borbone
e lo Ciliento tutto nui giramo
armati re coraggio e de ragione
e re li 'nfami i conti regolamo.

Tira compagno mio e non sgarrare
inta lo centro mira re lo core
fa' li gendarmi tutti parpitare
come poddastro ra cortieddo more.

Traduzione

Siamo briganti del Re Borbone
e il Cilento tutto noi giriamo
armati di coraggio e di ragione
e degli infami i conti regoliamo.
Tira compagno mio e non sbagliare,
mira dentro il centro del cuore;
fai tu i gendarmi tutti fremere
come un pollo, ammazzato col coltello.






TU SI' LU GIURICI

Tu si' lu giurici re li miei signori,
i' so' lo capo re li fuorilegge;
tu scrivi co' la penna e dai rulori,
i' vao ppe' lu munno senza legge.

Tu tieni carta, penna e calamaio
ppe' castia' a sti poveri pezzenti,
i' tengo povole e chiummo, quanno sparo:
giustizia fazzo a chi non tenenienti.



Traduzione

Tu sei il giudice dei miei signori,
io sono il capo dei fuorilegge;
tu scrivi con la penna e dai dolori,
io vado per il mondo senza legge.
Tu tieni carta, penna e calamaio
per castigare questi poveri pezzenti
io tengo polvere e piombo, quando sparo:
Giustizia faccio a chi non possiede niente.

[Napoli Capitale (POL)]

VEDITELA VEDITELA CHI SPONTA

Veditela veditela chi sponta
Maria Zufia cu' Francisco siconno
Appena arrivato se chiammen' 'e surdate
'e ppene passate ce vulimmo fà pavà
Vittorio vattenne ca sì 'nu mariuolo
chello ch'hè fatt' a Napule nu' sta buono
Napule hè spugliate e Turino tu vieste
Vittorio fa priesto vattenne da ccà
Vattenne Vittorio ca sì 'nu mariuolo
chello ch'hè fatto a Napule nu' sta buono.

Traduzione

Guardate guardate chi arriva
Maria Sofia con Francesco secondo
Appena arrivato si chiamano i soldati
le pene passate vogliamo fargliele pagare
Vittorio vattene che sei un ladro
Quello che hai fatto a Napoli non sta bene
Hai spogliato Napoli per vestire Torino
Vittorio fai presto vattene da quà
Vattene Vittorio che sei un ladro
Quello che hai fatto a Napoli non sta bene





e altre ancora qui:
http://vivereultras.forumcommunity.net/?t=2387740